Manifestazioa deitu dute ostiralerako Barakaldon, azken egunetan izandako "eraso matxisten aurka"
Argitan talde feministak manifestazioa deitu datorren urtarrilaren 14rako Barakaldon, "azken egunetan emakumeen kontra izan den eraso bolada" salatzeko eta erantzun kolektibo eta solidario bat aldarrikatzeko.
Indarkeria matxistaren aurkako protestak muturrera eraman nahi ditu Argitanek. Bada, 19:30ean manifestazioan aterako dira Herriko Plazatik azkenaldian herrian izan dituzten eraso matxisten aurka protesta egiteko. Bederatzi egunetan, hots, urtea hasi zenetik, emakumeen aurkako hiru eraso izan dira bertan.
Argitanek gogora ekarri duenez, azken erasoa iragan asteburuan gertatu zen. Udaltzaingoak 20 urteko gizon bat atxilotu zuen orduan, dendari bati sexu abusuak egiteagatik.
Gainera, urtarrilaren 6an beste gizon bat atxilotu zuen bikotekide ohiari eraso egiteagatik, eta hilaren 2an 30 urteko gizon bat hartu zuten atxilo arrazoi bera egotzita.
"Zoritxarrez, ez da Barakaldon soilik gertatzen den zerbait. Bizi dugun indarkeria estrukturala da, eta emakumeok bizi ditugun bereizkerien ondorio zuzena da. Horren aurrean, taldean eta irmoki erantzun behar dugu", defendatu du Argitanek. Horrekin batera, gogora ekarri du Portugaleten gizon batek ustez emakume bat bortxatu zuela urtarrilaren 7an.
Elkarte horrek azpimarratu du ez dela "indarkeria matxistaren pandemia hau" ahaztu behar. "Gure aukera bakarra ahal den modurik sendoenean erantzutea da. Kaleak gureak dira eta horietan aldarrikatuko dugu zein den gure lekua eta aske bizitzeko eskubidea dugula".
Horregatik, "Indarkeria matxistaren aurrean, erantzun kolektiboa eta solidarioa. Autodefentsa feminista" leloari eutsita egingo dute manifestazioa ostiral honetan, "berriro ere, argi eta garbi oihukatzeko Barakaldon ez dela eraso bakar bat geratuko erantzunik gabe".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.