Susana Martin: "Lehen Arretan egoera oso zaila den arren, argi izpi bat ikusten dugu"
Covid-19aren pandemiaren seigarren olatua geldiaraztea eta gainezka dagoen Lehen Arreta arintzea. Horiek dira Eusko Jaurlaritzako Osasun Sailak asteon martxan jarri duen protokolo berriaren helburu nagusiak, eta Susana Martin Osakidetzako Lehen Arretako arduradunak esan duenez, "egoera oraindik oso zaila bada ere, argi izpi bat" ikusten hasi dira.
Radio Euskadiko Boulevard saioan egin dioten elkarrizketan, Martinek esan du Lehen Arretako zerbitzua eskaintzen duten zentroetan "momentu oso konplikatuak" bizitzen ari direla, egunero, batez beste, "35 kontsultarekin". Halere, itxaropentsu agertu da eta egoera bere onera etortzen hasiko den zantzuak ikusten ditu. Horren hitzetan, pandemiaren azken adierazleen arabera, "badirudi, Lehen Arretako egunerokoa modu normalago batean egin ahal izaten hasiko garela".
Halere, aitortu du, kudeaketa mailan, zailtasun handiak sortu zaizkiela, eta horiek bideratzea dela erronketako bat. Besteak beste, web bidez iristen zaizkien "formulario edo eskariak" kudeatzeko eta azkar erantzuteko zailtasunak aipatu ditu. Telefono-deiak, aldiz, azken asteotan azkarrago erantzuten ari direla nabarmendu du.
Koronabirusean positibo eman duten pertsonen kontaktuak arakatzeari uzteak ondorio kaltegarriak izan ditzakeen galdetuta, Osakidetzako Lehen Arretako arduradunak adierazi du "herritar gehienek gaixotasuna sintoma arinekin" igaroko dutela eta horrek "lasaitasuna" ematen diela.
Osakidetzako langileen egoera ere izan du hizpide Martinek. Seigarren olatua gogor iritsi bada ere, osasun-langileek euren oporraldiak eta atseden egunak gozatu ahal izan dituztela esan du. "Langileen % 5-10 bajan egon arren, ez dugu inoren oporrik bertan behera utzi behar izan", esan du. Erretiroa hartutako langileak berriro lanera itzultzea, berriz, "ordezkatzaileen zerrendak agortuta" daudelako izan dela esan du. Atzera berriz lanera itzuli diren langile guztien lana eskertu du.
Zure interesekoa izan daiteke
Realeko zaleak atzerapenen eta bertan behera uzteen beldur dira, Sevillako aire kontrolatzaileen greba dela eta
Kopako finalerako 10 egun falta direnean, Saerco enpresako langileen grebak Andaluziako hiribururako hegaldiak arriskuan jarri ditu. Txuri-urdinen jarraitzaileek aldaketak aurreikusi beharko dituzte hegaldietan, eta aldez aurretik planifikatu beharko dute bidaia.
Gizon bat atxilotu dute Donostian, emakume bati sexu-erasoa egitea leporatuta
Atxilotuak 33 ditu eta, egozten zaionaren arabera, emakumea indarrez eraman zuen parking bateko sarrerara. Han, immobilizatzea lortu eta erasoa egin zion.
Adamuzko istripuaren gaineko Guardia Zibilaren azken txostenak dio istripuaren bezperan hautsi zela burdinbidea
Montoroko epategian egindako ikerketaren arabera, inguruko argindar-sistemako tentsioak behera egin zuen, baina ez zenez gutxiengo atalasea baino baxuagoa izan, ez zen alarmarik sortu.
Espainiako Gobernuak maiatzean onartuko du 16 urtetik beherakoek sare sozialak izatea debekatzeko legea
Sare sozialetan sartzeko gutxieneko adina eta sare sozialen edukietan ateratzeko gutxieneko adina 16 urtera igoko da.
Gizon bat atxilotu dute Gasteizen, bizikletako giltzarrapoarekin laguntza eskatu eta urruntze-agindu bat urratzea egotzita
Gasteizko Udaltzaingoak 25 urteko gizon bat atxilotu du, bizikletaren giltzarrapoa irekitzen laguntzera joan zaizkion agenteak urruntzeko agindu judizial bat urratu duela ohartu direnean.
Bost pertsona atxilotu dituzte Bizkaian, ia 300 kilo speed entregatu behar zituztela egotzita
Atxiloketak lurraldeko hainbat udalerritan egin dituzte. Gainera, lau etxebizitza miatu dituzte, Bilbon eta Galdakaon. Espainiako Estatuan atzemandako substantzia horren kopuru handienetako bat da.
Zirkulazioa arina izan da eta trafiko-istripuetan ez da inor hil Aste Santuan, EAEn
2025eko datuekin alderatuta, % 0,2 jaitsi dira joan-etorriak EAEn, eta % 29 murriztu da istripuen kopurua. Apirilaren 1etik 6ra bitartean 78 trafiko-istripu zenbatu dituzte.
Basauriko hilketa matxistaren kasua Emakumeen aurkako Indarkeriaren arloko Epaitegien esku utzi du Instantziako epaileak
Bilboko Instantzia Auzitegiko magistratuaren ustez, Emakumeen aurkako Indarkeriaren arloko Epaitegiek instrukzioa beren gain hartzeko bi baldintzak betetzen dira, hau da, "homizidio delitu izan daitezkeen gertaerak" egotea eta horiek "ikertuarekin bikote-harremana izan duen emakume baten aurka gertatu" izana.
Eureka! zientzia museoak ateak irekita jarrai lezake: itxiera bi urtez atzeratzea aztertzen ari dira
Kutxa Fundazioaren patronatuak bilera egingo du bihar, osteguna, Eureka! zientzia museoaren itxieraren gaineko hausnarketa egiteko, eta jarduerari eusteko aukera aztertzeko. Ekainaren amaierarako zegoen aurreikusita museoa ixtea.
Berrizen emaztea labankadaz larri zauritzeagatik atxilotutako gizonak polizia-etxean jarraitzen du, epailearen aurrean deklaratzeko zain
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.