Gipuzkoako eta Arabako aldundiek eskola kirolean lehiaketak baimentzetzeko eskatu dute
Eskola kirolan lehia baimentzeko eskatu diote Eusko Jaurlaritzari Gipuzkoako eta Arabako aldundiek. Lehiaketa etenda dago urtarrilaren 8tik, covid-19aren kontrako Hezkuntzaren protokolo berria indarrean dagoenetik, alegia.
Gipuzkoako Aldundiak asteon bertan berreskuratzea nahi du, Arabako foru erakundeak, berriz, hilaren 28rako proposatu du (ordura arte dago bertan behera).
Ramiro Gonzalez buru duen erakundeko iturrien arabera, eskaera hori datorren asteko ostiralean egitekoa den bilera batean egingo diote Jaurlaritzari. Aurrez, Kulturako foru arduradunak kirol federazioekin eta guraso elkarteekin batzartuko dira iritzi bateratu bat adosteko.
Irmoago mintzatu da Harkaitz Millan Gipuzkoako Kirol diputatua. Horren ustez, asteon bertan abiatu beharko litzateke lehiaketa, eta azaldu du "hiru aldiz" eskatu diola jada Jose Luis Quintas Osasun sailburuordeari.
Politikari gipuzkoarrak nabarmendu duenez, hiru aldundiak Jaurlaritzaren neurriaren kontra daude, eta hala jakinarazi zioten Osasun Sailari hilaren 7an egin zuten bileran. "Ez da egia neurria aho batez hartu genuenik", erantsi du.
Millanen hitzetan, eskola kirola "justifikaziorik ez duen egoera baten errudun" egin dute, eta "kalte larria" pairatzen ari da.
"Eskola kirolaren eta federatutako fitxen arteko diskriminazioa sortu dute, eta horrek ondorio sozio-ekonomikoak ditu. Aldundia horren jakitun da", azaldu du.
Diputatuak bat egin du Gipuzkoako 17 kirol federaziok egindako eskaerarekin, eta gogora ekarri du eskumena aldundiena dela eta lehiaketa bertan behera uztearena "gomendioa" dela. Dena dela, halakoei men egitearen alde azaldu da: "Osasun agintariek emandako aholku bat niretzat bete beharrekoa da, baina horrek ez du esan nahi bat egiten dudanik.
Millanen aburuz, "ikuspuntu zientifikotik ez du zentzu handirik debekua eskola kirolean bakarrik ezartzea, eta federatuetan lehia baimentzea. Kirol batzuetan, adin berako umeak aritzen baitira bietan. Gainera, haurren danborra egin egingo dute, eta Anoetan gaur bertan partida dago. Erabakia ez doa ildo beretik".
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.