Gipuzkoako 17 federaziok eskola kirol lehiaketen debekua "aste honetan bertan" altxatzea eskatu dute
Eskola lehiaketen debekua "aste honetan bertan" altxatzea eskatu diote Gipuzkoako 17 kirol federaziok Eusko Jaurlaritzari. Covid-19aren seigarren olatuari eusteko indarrean jarritako neurrietako bat izan zen.
Futbol, saskibaloi, eskubaloi, atletismo, gimnasia, halterofilia, hockey, judo, mendi, igeriketa, pilota, bela, triatloia, ehiza, urpeko, herri kirol eta kirol egokituko federazioen ordezkariek prentsaurreko bateratua eman dute, Jaurlaritzari neurria atzera bota eta haurrei kirola egiten uztea eskatzeko.
Debekuarekin "erabateko desadostasuna" azaldu dute federazioek, "ulertezina" delako; izan ere, pandemian zehar aurretik gertatu bezala, txikienen arteko kirola eragozten duen erkidego bakarra da Euskadi.
"Gipuzkoako gizartean, kirola jarduera funtsezko praktika da, batez ere adin txikikoen artean. Baina, funtsezkotzat jo beharrean, eskola kirolak geldi eman zuen ia urte eta erdi; ume askok kirol jarduera uztea ekarri du horrek", deitoratu dute federazioek.
Sinatzaileek azpimarratu dutenez, haur hasiberriei lehiatzen uzten ez zaien bitartean, "jende pilaketak suposatzen dituzten beste jarduera batzuk bai, ohitura osasungarrienetako bati kalte eginez".
Eskola kirola bertan behera uzteak "ez du oinarri zientifikorik, ezta osasun egoera hobetzeko mesederik egiten ere", erantsi dutenez, "aditu askok azken egunetan azaldu bezala".
Federazioek gogorarazi dutenez, kirol ez profesionalak "maila eman du, gizarteak espero bezala", "giro seguru batean kirol jarduera aurrera eramateko" jarrera azaldu duelako.
"Dozenaka milaka kirolarik, federatuk zein eskola-umek, iragan irailetik euren kirolaz disfrutatu dute, ondorio negatiborik antzeman gabe", gaineratu dute.
Federazioek ez dute Eusko Jaurlaritzarekin harremanik izan, baina bai Aldundiarekin. Hala ere, agiria Jaurlaritzako Kirol Zuzendaritzari bidaliko diote.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.