Kote Cabezudoren aurkako epaiketa nagusia martxoaren 7an hasi eta apirilaren 7an bukatuko da
Kote Cabezudoren kontrako epaiketa nagusia martxoaren 7an hasi eta hilabete bat beranduago, apirilaren 7an, bukatuko da Gipuzkoako Lurralde Auzitegian. Dozenaka biktimak, lekukok eta adituk agerraldia egingo dute 20 saiotan.
Fiskaltzak argazkilari donostiarrari 121 urte eta erdiko espetxe-zigorra ezartzea eskatu du, sexu, haur pornografia, iruzurra eta osotasun moralaren aurkako 32 delitu egotzita. Delituek ustez 16 modelo biktima izan zituzten 1992 eta 2013 artean.
Mario Diez abokatuak, 17 emakume ordezkatuz (beste lauren kasuak preskribatu dira), zuzendutako akusazio partikularrak, aldiz, 2.338 urteko kartzela-zigorra ezartzea eskatu du; izan ere, Cabezudori leporatzen dizkion delitu ugarien artean, 152 sexu-abusu penetrazioarekin planteatu ditu.
Era berean, abokatuak 1.715.000 euroko kalte-ordainak eskatu ditu. Ministerio Publikoak, ostera, milioi bateko kalte-ordaina proposatu du.
Bederatzi urteko ikerketa judiziala
Ahozko saioekin bederatzi urteko ikerketa judizialari amaiera emango diote, instrukzioa 2013an abiatu baitzen. Prozesu luzean zehar sumario nagusitik auzi txikiago ugari banandu dituzte.
Horietako batzuk epaitu dituzte dagoeneko, eta are gehiago, zigor irmoak ezarri dizkiote auzipetuari justizia oztopatu, epaitegietan agiri faltsuak aurkeztu eta desobedientziagatik. Hala ere, oraindik beste bi auzi epaitu behar dituzte.
Lau urteko behin-behineko espetxealdia
Auzi nagusiak 40 liburuki eta ia 15.000 orrialde ditu. Argazkilariak aurki lau urteko behin-behineko espetxealdia beteko du, legeak baimendutako muga. 2018ko maiatzaren 4an Martuteneko espetxera bidali zuten, eta bi urte geroago espetxealdia luzatu zioten.
Gipuzkoako Auzitegiak ihes egiteko arriskua saihesteko hartu zuen neurria orduan. Gainera, auzipetua aske egon zen bitartean, " ez zuen, dirudienez, irudiak zabaltzeari uzteko eskaera judiziala bete", nahiz eta biktimen "intimitate eskubidea urratu".
Epaiketak bost asteko iraupena izango du, eta saioak astelehenetik ostegunera izango dira.
Aurreneko hiru egunetan akusatuak deklaratuko du; ondoren biktimek eta aldeek proposatutako lekukoek testigantza emango dute, baita aditu ezberdinek ere.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.