Euskalgintzaren Kontseiluak euskararen inguruko epaiari "batasunetik" erantzuteko deia egin du Laudion
Euskalgintzaren Kontseiluak deituta, ehunka pertsona batu dira larunbat honetan Laudioko (Araba) Herriko Plazan, Gasteizko epaile batek Laudioko Udaleko lanpostuen hizkuntza-eskakizunen inguruan emandako epaiarekin desadostasuna agertzeko. Eskualdeko zein herrialdeko eragile politiko, sindikal eta sozialetako ordezkariak gerturatu dira elkarretaratzera.
Mobilizazioaren bukaeran, Aiaraldeko Euskalgintzaren Kontseiluko kideek adostutako adierazpena irakurri dute: "euskaldunok administrazioarekin euskaraz aritzeko eskubidea ez dugu bermatua eta hori lortu behar dugu. Administrazioa euskaldundu behar dugu".
Paul Bilbao Kontseiluko idazkari nagusiak adierazi duenez, "Gasteizko epaileak kaleratutako epaiak izan du ondorio positiborik". Izan ere, balio izan du "aspaldi dioguna berresteko: erakutsi du edozer tontakeria, irizpide juridikorik gabeko edozer gauza balia daitekeela baldin eta hizkuntza-eskubideen urraketa ahalbidetuko duen epaia argitaratu nahi bada".
Berretsi duenez, "epaileek eta magistratuek hizkuntza-politika egiten dute, eta hori ez da haien lana". Botere judizialak "indarrean dagoen hizkuntza-araudia aldatzeko helburua duen estrategiari" jarraitzen diola salatu du Bilbaok. Horrela, esan du, "epaien bidez saiatzen ari" dira dagoen legeria aldatzen "harik eta interpretazio hertsiena izateko, gure eskubideak are gehiago murrizteko".
"Inolako lotsarik gabe esaten dute udal batean zein langilek jakin behar duen euskara eta zeinek ez, hizkuntza-plangintzagileak bailira. Inolako lotsarik gabe esaten dute hezkuntza-sisteman zenbat toki hartu behar duen gaztelaniak, pedagogoak balira. Edota azken epaian bezala hizkuntza bat zaila den al ez, linguistak bailira", salatu du Kontseiluko eledunak.
Bilbaoren hitzetan, "arazo larriena da argudiorik gabe gure hizkuntzen etorkizuna baldintzatu nahi dutela". Horregatik, "gero eta argiago geratzen ari da ez garela ari ausazko erabakiaz, baizik eta botere judizialaren estrategia zehatz batez", gaineratu du.
Eta horren aurrean zer egin galderari erantzunez, Bilbaok aitzakiarik gabeko "batasuna, batasuna eta batasuna" azpimarratu du, oldarraldiei erantzuteko. Euskalgintzak, eragile sindikalek, eragile politikoek, eragile sozialek eta instituzioek "bat egin behar dugu bai ala bai, horrelako oldarraldiei aurre egiteko eta aski dela esateko".
Zure interesekoa izan daiteke
Euskal Herriko emisio gutxiko eremuak: nora ezin da sartu etiketarik gabe?
Bilbon, Donostian, Gasteizen eta Iruñean 200 euroko isunekin zigortzen dituzte ingurumen-etiketarik gabeko ibilgailuak, eta Barakaldo, Getxo eta Irun bide beretik doaz, baina oraindik ez dute neurria indarrean sartu.
Victoriano del Rioko zezenek korrikalari bat adarkatu dute eroriko asko izan dituen entzierro azkar batean
Aurtengo sanferminetako hirugarren entzierroak 2 minutu eta 23 segundo iraun du.
Albiste izango dira: Sanferminetako hirugarren entzierroa, AEBk Iran bonbardatu du eta Bilbao BBK Live hasiko da
Gaurkoan Orain-en albiste izango direnen laburpena, bi hitzetan.
Konstituzio Auzitegiak ez du ebatziko hizkuntz-eskakizunen derrigortasunaren inguruan
EAEko Justizia Auzitegi Nagusiak luzatu zion galdera, enplegu publikoan hizkuntz-eskakizunak derrigorrezkoak izateak Konstituzioa urratzen duen edo ez ebazteko.
ITASUA IATko langileek greba mugagabearekin mehatxatu dute negoziazioak blokeatuta jarraitzen badu
Zarautz eta Bergarako langileek bigarren greba-eguna egin dute enpresak Gasteizko ordezkariekin alde bakarreko akordio bat sinatu ostean, eta astelehenetik aurrera lanuzte mugagabea hasiko dutela ohartarazi dute, lan-baldintzak Gipuzkoako gainerako estazioekin parekatzeko.
12.000 sinadura baino gehiago bildu dituzte USaPeko zuzentzaileei babesa emateko, jaso duten "tratu bidegabeagatik"
EHUko irakasleek eta ikertzaileek uste dute gatazka hau "euskal hezkuntza sistema publiko osoaren aurkako mesfidantza eta deslegitimazio erasoa" dela.
LABek ez du hitzarmenetan 1.500 eurotik beherako soldatarik onartuko
Sindikatuak fase berri bat abiatuko du negoziazio kolektiboan, gutxieneko soldata gehiengorik ez duen esparruetara zabaltzeko eta patronalaren zein alderdi batzuen blokeoari mobilizazioekin erantzuteko.
12.600 sinaduratik gora bildu dira USAPeko irakasleei emandako "tratu bidegabea" salatzeko
EHUko irakasleek agerraldia egin dute USaPen jardun duten kideen profesionaltasuna defendatzeko, eta babes gisa 12.645 sinadura jaso dituztela jakinarazi dute (horietatik 2.000 unibertsitateko langileenak). Iñigo Urrutia irakasleak azaldu duenez, kaltetuek zein EHUk berak "tratu bidegabea" jaso dute, unibertsitate publikoaren objektibotasuna, gardentasuna eta zerbitzuarekiko konpromisoa kolokan jarri direlako.
2026ko uztailaren 8ko entzierroaren unerik onenak
Cebada Gago ganadutegiko zezenak protagonista izan dituen 2026ko sanferminetako bigarren entzierroa azkarra izan da. Arriskutsu ospeari omen eginez, gizon bat adarkatu dute besoan, Telefonica parean. Zezenek 2 minutu eta 26 segundo behar izan dituzte bidea egiteko.