Euskal Eskola Publikoaz Harro plataformak segregazioa eta sare pribatua mantentzea kritikatu du
Euskal Eskola Publikoaz Harro plataformak "erabat" uko egin die EAJk, PSEk eta EH Bilduk hezkuntza legerako adostu dituzten oinarriei. Izan ere, lege berriak "ez dio segregazioari aurre egiten, eskola publikoa zokoratzen du eta pribatuaren finantzazioa areagotzen du".
Plataformak kaleratutako ohar batean, "etsipena" azaldu du aste honetan jasotako testuak ez duelako egindako "lau eskaeretatik bat bera ere jasotzen": eskola publikoa hezkuntza sistemaren erdigunean egotea, zentro pribatu eta itunpekoen finantziazioa mugatzea, maila sozioekonomikoan oinarritutako eskola-segregazioaren aurka borrokatzea eta euskaran murgiltze-eredua bultzatzea.
"Hortaz, akordio honek eskola publikoa zokoratzen du, ez dio segregazioari aurre egiten, sare pribatuan finantzazioa areagotzen du eta ez du murgiltze-linguistiko eredua unibertsalizatzen. Uneko egoera dagoen moduan uzten du, eta ez doa kohesioaren, berdintasunaren, justiziaren eta euskalduntzearen bidetik", adierazi du.
Hezkuntza legearen oinarriek Steilas, LAB eta CCOO sindikatuen eta eskola publikoko guraso elkarteen kritikak jaso izan dituzte. Ikastoletako patronalek eta zentro pribatu erlijiosoek, ordea, babestu egin dituzte.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.