Hildako bat eta 351 covid-19 kasu berri, Nafarroan
Azken egunetako joerari eutsita, 350 covid-19 kasu inguru atzeman dituzte Nafarroan gaur ere; 351, hain zuzen ere. Bestalde, pertsona bat hil da birusak jota azken 24 orduetan, eta lau lagun ospitaleratu dituzte.
1.749 proba egin ostean jaso dituzte emaitzok. Gaur-gaukoz, beraz, % 20,1ekoa da positibotasun tasa.
Esan bezala, joerak ez du aldaketa nabarmenik izan, atzokoan 335 kutsatze zenbatu baitzituzten, 1.717 test eginda. Positibotasun tasa % 19,5ekoa zen atzo.
Orotara, 130 gaixo daude erietxean; horietatik 17 zainketa intentsiboetako unitatean.
Txertaketari dagokionez, 1.555 dosi jarri zituzten asteazkenean. Txertoa heldu zenetik, bada, 1.379.166 dosi eman dituzte, eta dagoeneko 551.565 dira pauta osoa duten pertsonak.
Ebakuntza kirurgikoak normaltasunera itzultzen ari dira
Ospitaleetako egoerak hobera eginda, pixkanaka ebakuntzak eta kontsultak berreskuratzen ari da Nafarroa.
Izan ere, ospitaleetan geroz eta toki gutxiago dute gordeta covid-19a duten gaixoentzat, Gobernuak ohar batean esan duenez.
Abenduaren 13tik otsailaren 11ra, 1.478 ebakuntza zeuden aurreikusita, baina horietatik 215 atzeratu egin behar izan dituzte, alegia, % 14,5. Hala eta guztiz ere, ebakuntza onkologikoak eta premiazkoak lehenetsi dira uneoro, eta apurka-apurka gainerako ebakuntzak ari dira errekuperatzen.
Albiste gehiago gizartea
185 familiak Bernedoko udalekuaren eredua defendatu dute Euskadi Irratira bidalitako gutun batean
Espazio horren eredua defendatu dute, eta antolatzaileak jasaten ari diren "jazarpena" salatu dute, "auzia neurrigabe puntuz" eta "kriminalizazioaren" bidez.
Bernedoko udalekuetan umeen eskubideak bermatu diren ala ez aztertzea da "garrantzitsuena", Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, lehentasuna da mahai gainean dauden lau salaketak aztertzea eta horiei erantzuna ematea. Radio Euskadin egin duen elkarrizketan, hausnarketarako deia ere egin du. Ildo horretan, erakunde pribatuek antolatutako aisialdiko eta aisialdiko jardueren jarraipena egiteko indarrean dauden arauak egokienak ote diren berrikustearen alde egin du.
Borroka bat izan da Gasteizen eta bi lagun zauritu dituzte, labanaz
Ertzaintzak ikerketa abiatu du gertatutakoa argitzeko, eta oraingoz ez dute inor atxilotu.
Eusko Jaurlaritzak 38 kutxazain automatiko berri jarriko ditu landa eremuko herrietan
Udalerri horiek bete beharko dituzten baldintzak honakoak dira: 300 biztanle baino gehiago izatea, egun hurbilen duten kutxazaina 8 kilometrora edo gehiagora egotea edota urtean 100.000 turista baino gehiago jasotzea.
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.