350 tona gatz prest Iruñean, elurra eta izotza egingo dituelako
Iruñeko Udalak 624 gatz-zaku ditu, ikastetxeen, osasun-zentroen eta kiroldegien esku jartzeko prest, unean uneko beharren arabera.
Iruñeko Trinitarioseko udal biltegian, suhiltzaileen instalazioen ondoan, 350 tona gatz daude. Ostegun eta ostiralean elurra eta izotza egingo ditu, tenperaturen beherakada dela eta.
Iragarpen meteorologiko horren aurrean, Iruñeko Udalak 2025-2026 aldirako Elurteei aurre egiteko Jarduera Plana aktibatu du, lau larrialdi mailarekin.
Elurteen aurrean Jarduteko Planak dituen bitartekoen artean, Trinitarioseko gatz-biltegia dago, eta gaur goizean Juan Manuel Gil Larequi Herritarren Segurtasun eta Bizikidetzaren arloko zuzendaria, Patxi Iriarte Echenique Hiri Kontserbazioko eta Osasuneko zuzendaria eta Ruben Unanua Ruiz Gizarte Ekintzako zuzendaria bertan izan dira, bisitan.
Biltegi horretan daude hirirako errepide-sarbide nagusiak eta auzoak batzen dituzten bide publikoak mantentzeko baliabide material gehienak. Elurteei aurre egiteko dispositiboak hamar ibilgailuk osatzen dute, bideak garbitzeko sei ibilbidetan banatuta. Ibilgailu guztiak aldi berean mobilizatu eta desaktibatuko dira, Plana aktibatzen den heinean.
Gatzari dagokionez, Iruñeak 100 tonako edukiera duten bi silo ditu. Une honetan, Trinitarios kaleko biltegi orokorrak 350 tona ditu eta, neguak aurrera egin ahala eta elurte-aurreikuspenaren arabera, siloak kargatzen joango dira, 200 tonaraino.
Udalak 120 kilo urgarri ditu 30 kiloko lau ontzitan, oinezkoentzako zubi metalikoetara bideratzekoak, eta 15.000 kilo gatz, 624 zakutan. Zaku horiek ikastetxeen, osasun-zentroen eta kiroldegien eskura jarriko dira, unean uneko beharren arabera.
Elurteei aurre egiteko 2025-2026 Jarduera Planak etxerik gabeko pertsonei arreta emateko protokolo bat jasotzen du. Kasu horretan, tenperatura 3 gradutik jaisten denean edo baldintza meteorologiko bereziki kaltegarriak daudenean mobilizatuko dira arreta-zerbitzuak.
Zure interesekoa izan daiteke
Baso sute handia piztu da Imarkoainen
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da bi orduz eta gertu dagoen trenbide katenariaren argindar hornidura eten dute. Haizea itzaltze lanak zailtzen ari da.
Ekainean 207 pertsona hil ziren Hego Euskal Herrian beroak eragindako gorabeherengatik, eta beste 27 uztaileko lehen lau egunetan
Carlos III.a Osasun Institutuaren Eguneroko Hilkortasunaren Monitorizazio Sistemaren (MoMo) datuen arabera, Estatu osoan 153 pertsona hil ahal izan dira azken lau egunetan beroaren ondorioz, eta ekainean ia 1.000 izan ziren tenperatura altuei egotz dakizkiekeen heriotzak.
Nafarroako Larrialdi zerbitzuetako langileak "oso pozik", herritarrek hala nahi izanda, txupinazoa botako dutelako
Urte osoan zehar, eta Sanferminetan bereziki, lana erruz egin arren, euren ahaleginak ez du beti merezitako aitortza jasotzen. Aurtengo txupinazoa botatzeko ardura eman diete herritarrek, eta festetako lanari gogoz ekiteko pizgarri izango da hori osasun langileentzat. Clint Fernandez Larrialdietako zuzendariordeak eta Araceli Sergio erizainak igoko dira Udaletxeko balkoira, Larrialdietako langile guztien izenean.
Baso sute handia piztu da Imarkoainen
Sua 17:00ak aldera piztu da Nafarroako udalerri horretako pinudi batean. Bi helikoptero ari dira itzaltze lanetan, eta nekazariak traktoreekin ari dira laguntzen.
Busti Zaitez ekimenak ehunka pertsona bildu ditu esklerosi anizkoitza ikusarazteko eta horren ikerketa bultzatzeko
Esklerosi Anizkoitzaren Fundazioak antolatzen du urtero ekimena, eta aurten bost hondartzatan eta dozena bat udal igerilekutan egin dute. Helburua da herritarrak sentsibilizatzea gaixotasun neurologiko kroniko honen inguruan eta gaixoentzat dirua biltzea.
PETAk eta AnimaNaturalisek tauromakiaren "bekatua" salatu dute Iruñean
Urtero bezala, elkarte animalistek zezenketen aurkako ohiko 'performancea' egin dute Iruñeko Udaletxe plazan. Ekintzari izaera katolikoa eman diote. Hala, Jesukristo odoleztatu bat paratu dute plazaren erdian, eta inguruan, hainbat pertsona erdi biluzik, gorputza pintura gorriz zikinduta eta adarrak buruan. Manifestariek tauromakia gaitzesteko eskatu diote Leon XIV.a aita santuari.
Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala. Urnietako Udalak "tristura eta samina" agertu du heriotzagatik, eta familiarekin harremanetan da behar duen horretan laguntzeko.
11 pertsona zauritu dira Gironako sutean
Bost bizilagun, bost suhiltzaile eta Armadako kide bat dira zauritutakoak. Suhiltzaileek ohartarazi dutenez, gaur behintzat ez dute sutea kontrolpean hartuko. Gaur goizean konfinamendua altxatu dute, eta etxera itzuli ahal izan dira ebakuatutako herritarrak.
Txupinazorako ordu gutxiren faltan, festak errespetuz eta segurtasunez igarotzeko deia egin du Joseba Asiron Iruñeko alkateak
Ordu gutxi barru festa lehertuko da Iruñean eta 2026 honetako sanferminen berritasun nagusiak aletu dizkio Joseba Asironek, Udaletxeko balkoian bertan, Maider Arteaga ETBko kazetariari. Errespeturako deia egin du, batez ere emakumeen askatasunarekiko. Jaien izaera herrikoiak iraun izanaz harro agertu da, bere zazpigarren eta legegintzaldiko azken sanferminen atarian.
Asteazkenera arte ez da Renferen trenik ibiliko Arrigorriaga eta Bilbo artean, lanak direla eta
Autobusez ari dira egiten bi udalerrien arteko bidea. Etenak Ibilbide Luzeko trenei eragiten die, Bilbo eta Miranda de Ebro artean. Basaurin, Bidebieta geltokia hobetzeko lanak egiten ari dira, eta horrek eragin du gorabehera.