Bilboko Somerako bizilagunek kalearen egoera txarra eta Udalaren "utzikeria" salatu dute
Bilboko Somera kaleko bizilagunek manifestazioa egin dute ingurua azken urteotan "hondatzen" ari dela eta "zikinkeria eta zaborra pilatzen" dela salatzeko. "Somera etorkizunik gabeko kale bat bilakatzen ari da. Martxan da kalea hiltzeko eta bizilagunak kanporatzeko prozesua", adierazi dute.
"Somera Berpiztu" lelopean, Alde Zaharreko kaleak zeharkatu dituzte eguerdian, udaletxearen aurreraino iritsi aurretik.
Antolatzaileek ohartarazi dutenez, "droga salmentak, kaleko borrokek eta lapurretek tentsioa" eragiten dute, eta "Udalak arazoari aurre egiteko asmo gutxi" du. "Polizia gehiago egotea" omen da Udalak proposatzen duen bakarra.
"Udalarentzat, Alde Zaharra guztia salgai dagoen eremu bihurtu da… Alde batetik, auzoaren turistifikazioa dago, eta bestetik, kale batzuen gentrifikazioa. Bi prozesu horiek eskutik helduta doaz, eta biek ondorio berera garamatzate: auzoaren salmentak bizilagunak kanporatzea dakar", gaineratu dute.
Hori horrela, bizilagunen esanetan, Udalaren "pasibotasunaren" ondorioz eta "bizilagunen eskaerei uko egin dienez, bizilagun askok alde egin dute kaletik, etxebizitzak salduz, eta horietako asko espekulatzaile bat ari da erosten pisu turistikoak jartzeko".
Albiste gehiago gizartea
Hasi da ikasturtea Euskal Herrian, Adimen Artifizialari buruzko ikastaroak berrikuntza dituela
50.000 ikasle inguru eskoletara itzuli dira. Hezkuntza Ministerioak ikasleen buru-osasuna gertuagotik zaindu nahi duela jakinarazi du, eta horretan arituko diren ordezkariak izendatuko ditu lurralde guztietan.
Larunbatera arte Estatuko telebisten topaleku bihurtuko da Gasteiz
Gaur hasiko da FesTVal jaialdiaren 17. edizioa. Telebista kateen berrikuntzak eta telebista izar eta jarraitzaile oldea espero da bertan.
114 pertsona hil dira udan Euskadin beroaren ondorioz, 2024an baino 52 gehiago
Abuztuan 74 heriotza zenbatu dira, gehienak hilaren 11 eta 22 artean, egunik beroenetan.
EITBko langileek bat egin dute Mugarik Gabeko Kazetarien ekimenarekin, Gazako kazetarien hilketak salatzeko
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Kazetariek bultzatutako mundu-mailako mobilizazioarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Pertsona bat hil da Azazetako mendatean, bi autok elkarren aurka talka eginda
Beste pertsona bat ibilgailutik atera behar izan dute suhiltzaileek, eta Txagorritxuko Ospitalera eraman dute, zaurituta. Ezbeharraren ondorioz, A-132 errepidea itxita egon da, bi noranzkoetan.
Bartzelonatik Gazara abiatu zen flotillak itzuli behar izan du, eguraldi txarragatik
Itsaso zakarraren ondorioz, ontziek ezin izan zuten aurrera egin eta Bartzelonako kostaldean jarraituko dute aroa hobetu arte.
Eskolara itzultzea, inoiz baino garestiago: aurrezteko zenbait gomendio
Inflazioak eta prezioen garestitzeak eraginda, iraila hilabete kritikoa da familientzat, ikasturteari aurre egiteko prestatzen ari baitira, beharrezko eskola-materiala erosita.
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.