Auzoko batek akusatua emazte ohiari eraso egiten ikusi zuen etxebizitzako eskailera-buruan
Gasteizen, 2018ko apirilaren 20an, emazte ohia eta amaginarreba ohia labanaz hiltzea leporatzen dioten gizonaren aurkako epaiketan, auzokoek deklaratu dute asteazken honetan. Horrela, biktimen oihuak, laguntza eske, entzun zituzten bizilagunek testigantza eman dute gaurko saioan. Horietako batek akusatua emazte ohiari eraso egiten ikusi zuen etxebizitzako eskailera-buruan.
Azaldu duenez, laguntza eske oihuak entzun zituenean lo zegoen, altxatu, eskailerara atera eta zenbait solairu igo zituen. Akusatua belauniko aurkitu zuen emaztearen alboan, kamiseta barik eta biktimaren lepoa "moztu" behar zuenaren keinua eginez.
"Mozteko keinua indarrarekin egiten ikusi nuen", deskribatu du emakumeak. Biktimaren aurpegia eta labana ez zituela ikusi erantsi du auzokoak. Lekukoaren esanetan, oihu egin eta akusatuak begiratu zuen: "ez zen normala" zuen aurpegia, begiak "zoro" baten antzera zituen, "amorruarekin, gorrotoarekin", "ez nuke jakingo definitzen", azaldu du.
Elkarri begiratu ondoren, gizonak buelta eman eta biktimari eraso egiten jarraitu zuen, gaineratu duenez.
Bestalde, gaurko saioan auzipetuaren lankide batzuek deklaratu dute. Gatazkak saihesten zituen gizon bat bezala deskribatu dute. Dibortzioak eragin zion, "normalean baino urduriago" ikusten zutelako, "jota", tristeago, azpimarratu dute. Erantsi dutenez, errudun sentitzen zen.
Gainera, suhiltzaile batek lekukotza eman du epaiketan. Suhiltzailearen ahotan, leihoan zegoenean akusatuak egin zituen mugimenduak ez dira bere buruaz beste egin nahi duen norbaitenak, nahita irristatu eta koltxonetaren gainean erori zelako.
Epaiketak ostegun honetan jarraituko du, krimen bikoitzaren egunean esku hartu zuten ertzainen eta udaltzainen deklarazioarekin.
Zure interesekoa izan daiteke
Bi atxilotu eta hiru ertzain zaurituta Gasteizen, Deportivo Alaves-Rayo Vallecano partidaren aurreko istiluetan
Segurtasun Sailak adierazi duenez, klubeko zale batzuk polizia-lerroa apurtzen saiatu dira, eta ke-poteak, bengalak eta beste objektu batzuk jaurti dizkiete agenteei. Kargatu egin dute ertzainek eta bi lagun atxilotu dituzte.
Ertzaintzaren jarrerarekin harrituta eta minduta agertu dira euskal ekintzaileak, aske geratu ostean
Gazara laguntza zeraman Global Sumud Flotillan parte hartzeagatik Israelek atxilotutako euskal ekintzaileen aurkako esku-hartzea salatu dute. Loiun bildutako lagun, senide eta jarraitzaileek gertatutakoa deitoratu, eta Gazara begira jarraitzeko eskatu dute.
Palestinan gertatzen ari dena gaitzetsi, eta Loiun ekintzaileekin gertatutakoa salatu dute Iruñean
Global Sumud Flotillako Arantxa Paniaguak adierazi duenez, Bilbon gertatutakoak ez ditu geldiaraziko, "are gehiago, aurrera jarraitzeko eta behar den guztietan nahikoa, nahikoa eta nahikoa dela esateko bultzada izango da".
Hondartzetan soroslerik gabe, surflariek dozenaka pertsona erreskatatu dituzte azken orduetan Zurriolan
Udako eguraldia dugun arren, ofizialki ez da hondartza denboraldia hasi eta, beraz, ez dago soroslerik hondartzetan. Gauza horrela, atzo Donostiako Zurriolan, egoera arriskutsuan zuden hainbat bainulari erreskatatu behar izan zituten surflariek. Eguraldi onak jarraituko duenez, "neurriak hartzeko" eskatzen diete erakundeei.
Tuteran eltxoen arazoak ez du etenik: iluntzean nabaritzen da gehien
Tuteran hiru egun daramatzate eltxo artean, eta iluntzean nabaritzen da gehien. Bero itogarria bat-batean iristeak eltxo izurritea ekarri du Erriberako hiriburura. Eltxoei aurre egiteko produktuak agortzen hasi dira Tuterako farmazietan.
"Sionistek modu posible guztietan torturatu gaituzte, eta iristean egin diguten lehenengo gauza gehiago jotzea izan da"
Luka Remiro Global Sumud Flotillako aktibistak malkoak begietan zituela salatu du larunbat honetan Loiuko aireportura iritsi direnean Ertzaintzak izan duen jokabidea. Ekintzaileetako batzuk sorbaldan zein saihetsetan hausturak zituztela iritsi direla nabarmendu, eta kolpeka hartu dituztela salatu du. Lau pertsona atxilotu ditu Ertzaintzak, bi ekintzaile tartean.
Kontrabandoko 9.000 tabako pakete baino gehiago zeramatzan ibilgailu bat atzeman dute Zubirin
Gidaria atxilotu egin dute kontrabando delitua leporatuta, tabakoaren fakturarik edo egiaztagiririk aurkeztu ez duelako.
Hainbat bidaiari artatu dituzte Ezkirotzen, matxura batengatik trena bat-batean gelditu ostean
Iruñea-Zaragoza trenbidearen katenarian izandako gorabehera elektriko baten ondorioz, hiru tren gelditu dira Ezkirotzen, Muru Artederretan eta Artederretan. Beroaren eraginez, larrialdi zerbitzuek bidaiariak artatu behar izan dituzte eta ura eman diete.
Emakume bat hil da Tafallan, auto batek harrapatuta
Istripua goizean gertatu da. Emakumea oso larri eraman dute ospitalera, eta ordu batzuk geroago hil da.
Gorenak errefusatu egin du etorkinen erregularizazioa kautelaz geldiaraztea
Espainiako Gobernuak "positibotzat" jo du milaka lagunen "oraina eta etorkizuna argitzen" duen erabaki hori. Dekretua onartuta apirilaren 16an abian jarri zen prozesua gelditzeko eskatu zuten bost erakundek.