Berdindu zerbitzuak 34 LGTBIfobia salaketa jaso zituen iaz EAEn
Berdinduk, sexu aniztasunarekin lotutako gaiei buruzko informazioa eta arreta emateko Eusko Jaurlaritzaren zerbitzuak, LGTBI kolektiboaren kontrako 34 eraso erregistratu zituen iaz Euskadin. Zerbitzu horrek 2021ean jaso zituen 1.000 bat kontsultarekin alderatuta, ehuneko txikia da (%3). Dena dela, aniztasun sexualaren alorrean egiteke dagoen bidearen erakusle da.
2021eko memoriaren arabera, LGTBI+fobia kasuek behera egin zuten 2020ko lehen seihilekoko etxeko konfinamenduaz geroztik. Gehienek familiarteko gatazkekin dute zerikusia, normatiboak ez diren sexu joera/identitate horiek onartzeko dauden zailtasunengatik. Biktimaren gertuko esparruan ere izaten dira erasoak: ikastetxe, osasun zentro edo institutuetan, "non LGTBI+ gaien inguruko ezjakintasun orokor bat nabari den".
Era berean, aipagarria da emakume lesbiana batek lan esparruari lotuta aurkeztutako salaketa. Andrazkoaren arabera, bere orientazio sexualagatik diskriminatu zuten. Gertakari bereziki esanguratsua da arlo publikoan gertatu zelako.
Halaber, kasu ohikoenak ez diren arren, LGTBIfobiaren adierazpenik larrienetakoak diren eraso fisikoei ere aipamena egin die Berdinduk txostenean. Diotenez, salatzen diren erasoak gertatzen diren guztietatik zati txiki bat baino ez dira, eta artatu dituzten kasuetan "bortizkeriamaila bereziki larria" atzeman dute. Adibide gisa, Ekain Perrino gazteak pairatutako eraso homofoboa aipatu dute. Perrinori jipoia eman zioten hainbat gaztek Basaurin (Bizkaia), iazko ekainean.
Azkenik, "ehuneko txikia izan arren", hainbat emakume lesbianak jasandako "egoera lesbofobo oso zailak" nabarmendu dituzte txostenean.
Haur eta nerabe transexualak
Aholkularitza eske joandako 81 familiari egin zien arta iaz Berdinduk (2020arekin alderatuta, igo egin ziren eskaerak). Gehienek seme-alaben sexu identitate ez-normatiboek "eragindako kezka eta estutasunak" tarteko jo zuten zerbitzura. 10 kasutan, 11 urtetik azpizko umeak ziren, eta 56tan, 14-16 urteko nerabeak zituzten gurasoak.
Gainera, gehiengoak izan ez ziren arren, adingabeak protagonista zituzten "istorio benetan traumatikoak" jaso zituzten zerbitzuan, suizidio saiakerekin lotuta. Hainbat familia artatu behar izan zituzten seme-alabak suizidiotik gertuko egoeretan zeudela-eta. "Adibidez, besoetan ebakiak, botiken gehiegizko erabilera...", zehaztu dute.
Albiste gehiago gizartea
Hasi da ikasturtea Euskal Herrian, Adimen Artifizialari buruzko ikastaroak berrikuntza dituela
50.000 ikasle inguru eskoletara itzuli dira. Hezkuntza Ministerioak ikasleen buru-osasuna gertuagotik zaindu nahi duela jakinarazi du, eta horretan arituko diren ordezkariak izendatuko ditu lurralde guztietan.
Larunbatera arte Estatuko telebisten topaleku bihurtuko da Gasteiz
Gaur hasiko da FesTVal jaialdiaren 17. edizioa. Telebista kateen berrikuntzak eta telebista izar eta jarraitzaile oldea espero da bertan.
114 pertsona hil dira udan Euskadin beroaren ondorioz, 2024an baino 52 gehiago
Abuztuan 74 heriotza zenbatu dira, gehienak hilaren 11 eta 22 artean, egunik beroenetan.
EITBko langileek bat egin dute Mugarik Gabeko Kazetarien ekimenarekin, Gazako kazetarien hilketak salatzeko
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Kazetariek bultzatutako mundu-mailako mobilizazioarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Pertsona bat hil da Azazetako mendatean, bi autok elkarren aurka talka eginda
Beste pertsona bat ibilgailutik atera behar izan dute suhiltzaileek, eta Txagorritxuko Ospitalera eraman dute, zaurituta. Ezbeharraren ondorioz, A-132 errepidea itxita egon da, bi noranzkoetan.
Bartzelonatik Gazara abiatu zen flotillak itzuli behar izan du, eguraldi txarragatik
Itsaso zakarraren ondorioz, ontziek ezin izan zuten aurrera egin eta Bartzelonako kostaldean jarraituko dute aroa hobetu arte.
Eskolara itzultzea, inoiz baino garestiago: aurrezteko zenbait gomendio
Inflazioak eta prezioen garestitzeak eraginda, iraila hilabete kritikoa da familientzat, ikasturteari aurre egiteko prestatzen ari baitira, beharrezko eskola-materiala erosita.
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.