Espainiako Gobernua eta erkidegoak covid-19aren normalizazio-fase berria eztabaidatzen ari dira
Osasun Ministerioa eta erkidegoak covid-19a kontrolatzeko estrategia berria eztabaidatzen ari dira ordu honetan, pandemiaren hurrengo fasea gidatuko duen ibilbide-orria, eta zalantza handi bat argitzeke dago: noiz eta non kendu ahal izango den maskara barrualdeetan.
Helburu horrekin bildu dira atzotik "Osasun Publikoaren Zaintzari buruzko Osasun Sistema Nazionalaren Jardunaldiak" izenekoan, Zaragozan, Espainiako eta autonomia-erkidegoetako gobernuen ordezkariak, lehenik teknikariak, osasun-krisia kudeatzeko irizpide berriak proposatu dituztenak, eta orain kontseilariak eta Carolina Darias Osasun ministroa, adituen irizpideak berretsi beharko dituztenak.
Estrategia berritik jakina da egoera ahulenean daudenei eta haien inguruneari eta kasu larriei buruzkoa izango dela: akabo kutsatzeak egunero zenbatzea, infekzio aktiboaren diagnostiko-probak egitea oro har, miaketak edo gaixo arinen eta sintomarik gabekoen isolamendua.
Teknikariek eta politikariek "gaixotasun hau arnas eremuko beste edozein bezala kudeatzea" ahalbidetuko duen agertokia marraztuko dute, Sira Repolles Aragoiko kontseilariak atzo azaldu zuenez; horretarako, beharrezkoa izango da zaintza-sistemak pixkanaka aldatzea eta irizpideak bateratzea, bi egun hauetan lantzen ari diren gaiak, alegia.
Zaintza epidemiologikoko bilera gisa, prebentzio-irizpideak, koarentenak, zaintzaile-sareen bidezko kontrolak, "gaixotasuna aurreikusi ezin den moduan eboluzionatzen ari dela hautematea" eragingo duten alarma-seinaleak, pertsona kalteberei arreta ematea eta maskarak erabiltzea ere jorratuko dituzte.
Maskara pandemiaren fase akutuan indarrean geratzen den azken murrizketa handia da; autonomiek erabakitzen zuten covid pasaportea ez bezala, haren erabilera errege-dekretu bidez araututa dago, azkena joan den otsailaren 8koa, maskara kanpoaldean erabiltzeko beharra kendu zuena.
Aste honetan, Pedro Sanchez Espainiako Gobernuko presidenteak berriro esan du "laster, oso laster" utziko diola derrigorrezkoa izateari barnealdeetan, Osasun ministroak hala erabakitzen duenean. Hala ere, bere Saileko iturriek argitu dutenez, egun hauetan mahai gainean dagoena sistema berriaren definizioa da, ez maskarak kentzea, ez baitute horretaz eztabaidatu alerten txostenean.
Zure interesekoa izan daiteke
Euskadik beroari lotutako ia 300 heriotza posible erregistratu ditu udan
Adinari begiratuta, hildakoen % 92k 65 urte baino gehiago zituen, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusi bete-betean, beste behin ere pentsio duinak aldarrikatzeko
Aste Nagusiko giroan deitu dute manifestazioa, pankarta nagusiaren leloak dion bezala, "Jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, euren herri-ekimen legegilea aldez aurretik atzera bota izana salatuz. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria-tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.
Nafarroako Gobernuak eta Petilla Aragoiko Udalak 150.000 eurotik gorako plana adostu dute, datozen suteen aurrean herria babesteko
Udako sute larriaren ostean, suebaki berriak, bigarren ur-putzu bat eta gazteentzako abeltzaintza-proiektu bat abiatzea adostu dute.
Biobizkaiak osasun-produktu pertsonalizatuak fabrikatuko ditu 3D inprimaketaren bidez
Lizentzia horri esker, Aurpegi-masailetako Kirurgia, Bihotz-hodietako Kirurgia, Traumatologia, Otorrinolaringologia eta Onkologia Erradioterapikorako produktuen bost familia fabrikatu ahalko dira.
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.