Espetxe-zigorra ezarri diote Irune Costumerori, alabari grabagailu bat ipintzeagatik aita zelatatzeko
Epaile batek 18 hilabeteko espetxe-zigorra ezarri dio Irune Costumerori, Bizkaiko Foru Aldundiko umeen zerbitzuko arduradunak akusatuen aulkian eseriarazi zituen amari, hain zuzen. Alabaren poltsikoan grabagailu bat ipini izana egotzi dio, aitarekin zituen elkarrizketak zelatatzeko.
Barakaldoko epaile batek igorritako erabakiak amaren jokabidea gaitzetsi du, eta ebatzi du haurrak aitarekin zituen elkarrizketak zelatatzea zuela helburu, bai familiaren topaketa gunean, bai aitaren etxebizitzan.
Epaiaren arabera, umearen amona izan zen adingabekoaren berokian objektu gogor bat nabaritu zuena, eta piztuta zegoen grabagailu bat zela egiaztatu zuen. Tresnak ordubetez grabatu zituen aitaren, amonaren eta foru zentroko langileen arteko elkarrizketak.
Costumerok adierazi duenez, helegitea aurkeztu du jada Auzitegi Gorenaren aurrean, eta ukatu egin du grabagailua berak ipini izana. "Ipini zuen pertsonak nire alaba aitaren eta aitaren aldeko aitona-amonen aurrean babesteko egin zuen. Kezko hesia da, nire irudia ahultzeko", baieztatu du.
Ama horrek Bizkaiko Aldundiko arduradunak salatu zituen adingabekoaren zaintza kendu izanagatik, baina absolbitu zituzten. "Guraso alienazioa" erabili zuten argudio gisa, literatura medikoan existitzen ez den nahasmendua, eta iaz onartutako Umeen Babeserako Legean debekatua.
Une horretan, Justiziak umeen zerbitzuko arduradunak errugabetzat jo zituen eta, orain, 18 hilabeteko espetxe-zigorra ezarri dio Costumerori, intimitatearen aurkako delitua egotzita.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.