Nafarroako Parlamentuak aho batez onartu du Klima Aldaketaren Legea
Nafarroako Parlamentuak aho batez onartu du Klima Aldaketaren eta Trantsizio Energetikoaren Foru Legea, 50tik gora aditu eta erakunderekin bi urtez lan egin ondoren.
Klima-aldaketari aurre egitea "premiazko erronka da, gero eta inpaktu larriagoa baitu ingurune eta sektore guztietan, ekosistemetan, biodibertsitatean, azpiegituretan eta ekoizpen-sistemetan, baita gure osasun- eta elikadura-sistemetan ere", esan du Itziar Gomez Nafarroako Ingurumen kontseilariak.
Azaldu duenez, "testuinguru horretan kokatzen dira, alde batetik, berotegi-efektuko gasen emisioak murriztea eta CO2 husteko ahalmena handitzea helburu duten arintze-politikak, eta, bestetik, klima-aldaketak eragiten dituen arriskuak murriztea helburu duten egokitze-politikak".
Gomezek foru erkidegoaren burujabetza energetikoaren aldeko apustua egin du, eta ekintza "integral" bat defendatu du sektore-politika "koherenteak eta proaktiboak" hartzeko, "sail guztien, toki-administrazioen eta eragile eta kolektibo publiko eta pribatuen artean koordinatuta eta elkarlanean".
Gainera, "baliabideen erabilera arrazionala" defendatu du, eta behar diren ekimenen "zeharkako izaera" azpimarratu du, nekazaritza-sektorean, etxebizitzan, garraioan, industrian, basoen kudeaketan zein ikerkuntzan.
Elena Llorentek (NA+) azpimarratu duenez, "ahultasuna energetikoa" dela eta, "itun handi bat" egin behar da, egungo ereduari alternatibak emateko, elektrifikazioan, energia berriztagarrien eta bioerregaien sustapenean eta biltegiratze- eta garraio-azpiegituretan oinarrituta, eta hori guztia administrazio "arin" batekin. Izan ere, bere ustez, lege horrek " gutxi" laguntzen dio lehen sektoreari, baina oraindik egoera "birbideratzea" posible dela uste du.
PSNko Javier Lecumberrik ohartarazi du "ondorio katastrofikoak" izango direla klima aldaketaren prozesua lehengoratzen ez bada, eta erronka horrekin baloratu ditu lege berri horrek biltzen dituen neurriak.
Geroa Bairen izenean, Pablo Azconak nabarmendu du lege hori onartzea "mugarria" dela, eta hurrengo neurriak aipatu ditu: Trantsizio Energetikorako Agentzia, urtebetean eguzki-mapak zehaztea, fiskalitate berde baten konpromisoa bi urtean eta enpresentzako karbono-aztarna 18 hilabetean.
Adolfo Araizek (EH Bildu) emisioak zortzi urtean erdira murrizteko konpromisoa azpimarratu du, ondorio "suntsitzaileak" saihesteko. Horrek "konpromiso tasatu eta lotesleak" eskatzen ditu, eta lege honetarako "anbizioarekin" negoziatu dela uste du. Izan ere, lege horretan bere taldearen "aztarna" agertzen da, eta ekarpen horren hainbat alderdi nabarmendu ditu: parke eolikoetarako eta eguzki-parkeetarako eremuen mugaketa edo etorkizuneko fiskalitate berdea.
Ainhoa Aznarezek (Ahal Dugu) adierazi du "erronka eta aukera" baten aurrean gaudela klima-aldaketa geldiarazteko, eta Nafarroak bereziki ikusten duela horren arriskupean; horregatik, ura, eguzkia eta haizea erabiltzearen aldeko apustua egin du, aberastasuna sortuko duen eta subiranotasuna emango duen garapen iraunkorreko eredu baterantz joateko.
I-Eko Marisa de Simonek nabarmendu duenez, onura pribatu "neurrigabeak" bilatzeak eragindako krisi klimatikoak "planeta desagerraraziko du, mugarik jartzen ez bazaio". Hori dela eta, eraginkortasun energetikoaren, kontsumo arduratsuaren, energia berriztagarrien eta fiskalitate "disuasorioaren" alde egin du.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.