Omenaldi hunkigarria eta justizia eskaera, Iñigo Cabacasen heriotzaren 10. urteurrenean
Familiak, lagunek eta bere omenez sortutako plataformak omenaldi hunkigarria egin diote Iñigo Cabacasi, Athleticen partida baten ostean Ertzaintzaren pilotakada batek jota hil zela 10 urte bete direnean.
Athleticen jarraitzailea hil zen Maria Diaz de Haroko plazan egindako omenaldian parte hartu dute ehunka lagunek, tartean Iñigo Cabacasen gurasoek, Manuk eta Finak, eta justiziaren eskaera berretsi dute, Gorenak baieztatutako ebazpenaren aurkako helegitea auzitegi europarrean sartu ostean.
Izan ere, Justizia lortzeko bide guztiak agortzear, gaztearen falta leundu ezinik da familia; eta sufrimenduaren aringarri bakarra jendearen berotasuna dute. Hala, alboan izan dituzten guzti horiei eskerrak emateko baliatu dute urteurreneko omenaldia. Oier Amorrortu Cabacasen lehengusuak aletu ditu zorigaiztoak sorrarazi dizkion bizipenak, baita auziaren egungo egoera ere, Euskadi Irratian egindako elkarrizketa batean.
CONTENIDO NO ENCONTRADO
Hala, gorabehera ugariren ostean justiziaren bidea itxita da Espainiar Estatuan. Ertzain bati bete beharko ez duen bi urteko espetxe zigorra ezarri zitzaion, gainontzekoak absolbitu egin zituen sententziak, eta familiak europar auzitegietara jo du. Abenduan jakin zen, bestalde, Ertzaintzak ere barne ikerketa itxi egin duela. Erakundeen jarrera gogor salatu du behin eta berriz sendiak.
"Benetako justizia eraginkorra nolabait egikaritzeko zain jarraitzen dugu", adierazi du Manu Cabacasek. Gainera, esan du Bizkaiko Auzitegian "gezurra" esan zuten ertzainek nazioarteko auzitegietara joan beharko dutela orain.
Guztira sei izan ziren epaitu zituzten ertzainak (ofizial bat, bi azpiofizial eta hiru agente eskopetazale), eta soilik polizia operazioan maila altuena zuen agentea zigortu dute. Auzitegia ez zen 28 urteko gaztea hil zuen pilotakada jaurti zuen ertzaina identifikatzeko gai izan.
Bestalde, Shalke 04 talde alemaniarraren aurkako partidaren ostean hil zen athleticzalearen omenezko plaka bat jarri dute hil zen lekuan bertan, plazari bere izena emateko asmoz.
Albiste gehiago gizartea
Epaileak hilketatazat jo du uztailean Zizurren hildako emakumearen kasua, eta epaimahaiaren prozedura bideratu du
Iruñeko Emakumeen aurkako Indarkeriaren arloko 1 zenbakiko epaitegiko titularrak epaimahaiaren prozedura abiatzea erabaki du, uztailaren 29an Zizur Nagusian 78 urteko emaztea hil zuelakoan 85 urteko gizon baten aurka abian den auzian. Hilketa delitua leporatzen diote, azpikeriaren astungarriarekin.
Osakidetzak betetzeko zailak diren plazen lan-eskaintza publikoa deituko du 2026an
Betetzen zailak diren Osakidetzako plazen eskaintza egitea Osasunaren Euskal Itunean jasotako neurrien multzo baten parte da. Ildo horrek atxikipena, fidelizazioa eta lidergo profesionala sustatzen ditu, plantillak egonkortzeko eta zerbitzu publikoen jarraipena bermatzeko helburuarekin.
OMEk ohartarazi du bakterioak gero eta erresistenteagoak direla antibiotikoei aurre egiteko
Osasunaren Mundu Erakundearen arabera, antibiotikoekiko erresistentzia etorkizuneko osasun mehatxurik handienetako bat da.
Uholdeak eragin ditu 'Alice' depresio isolatuak Balearretan, Eivissan batik bat
Alice goi-geruzetako depresio isolatuak arazoak eragin ditu iberiar penintsulako isurialde mediterraneoan, baita Balear Uharteetan ere. Eivissan, esaterako, uholde handiak izan dira.
Leioako errepidea estaltzeko lanak bukatu dituzte, bi urte eta erdiren ostean
Datorren asteazkenean emango dute amaitutzat lubaki historikoa estaltzeko obra. Lubakia zena 18.000 metro karratuko bulebar bihurtu dute, espaloi eta bide zabalagoak eginez. 20 dezibelio gutxiago jasango dituzte orain bertan. Aurreikusi baino urtebete lehenago bukatu dituzte lanak.
Mauritanian bizi diren herritarren errealitatea: erdiak baino gehiago, pobrezian
Afrika ipar-mendebaldeko herrialde honek 4,4 milioi biztanle ditu. Mauritaniari buruzko hainbat erreportaje eskainiko ditu EITBk, han duten egoera, migrazio irregularraren errealitatea eta horri aurre egiteko dauden proiektuak erakusteko.
Eskisabelek "arkitektura juridiko berri bat" eskatu du "behar bezalako hizkuntza-politikak egin ahal izateko"
Euskalgintzaren Kontseiluko idazkari nagusiak azpimarratu du "aspalditik" aldarrikatzen dutela bi hizkuntza ofizialak jakin behar izatea enplegu publikorako sarbidea izateko. Gainera, gogorarazi du eskubide bat eskubide izateko "bizimoduaren eremu guztietan" izan behar dela "gauzagarri".
Ehunka lagun bildu dira Bilbon Begoñako Amaren egunean
Bilbotarrek eta bizkaitarrek Begoñako Amaren erromeria ospatzen dute urriaren 11n. Gaur, ehunka lagun hurbildu dira basilika ingurura giroaz gozatzera, eta txikiteroek ere egin diote gorazarre, Zazpikaleetan. Dantzatu, lore eskaintza egin eta muztioa egin dute mahatsa zapalduta.
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Trafikoa bere onera itzuli da AP-8an Astigarragan, kamioi batek su hartu duelako itxita egon eta gero
Bilborako noranzkoan ere etenda egon da zirkulazioa larunbat goizean, baina bere onera itzuli da eguerdirako.