Gora egin du Aste Santuan ibilgailuen kopuruak Euskadin, pandemia aurreko datuekin alderatuta
Aste Santuan euskal errepide sarean izan den ibilgailu kopuruak gora egin du nabarmen pandemia hasi aurretik erregistratutako datuekin alderatuta. Igoerarik handiena EAEko hiriburuetan izan da, 2019an baino % 7,5 gehiago izan baitira erregistratutako joan-etorriak.
Alabaina, bi pertsona hil dira jaiegunetan. Apirilaren 14an, motor-gidari bat hil zen Bilbon, eta tartean ez zen beste ibilgailurik izan. Apirilaren 15ean, berriz, gurpildun aulkian zihoan gizon bat harrapatu zuen auto batek Ibarran (Gipuzkoa). Bi istripuak herri barruan gertatu zirenez, ez zituzten Aste Santuko operazio bereziarekin lotu. Gainera, aurreko asteburuan, lau pertsona hil ziren Baionan (Lapurdi) izandako auto istripu batean.
Datuak argiak dira. Euskadira sartzeko 515.000 desplazamendu izan dira, eta beste hainbeste irteteko. 2019an, berriz, 509.000 izan ziren; beraz, pandemia aurretik baino % 1,2 gehiago izan dira. Biriatun, orain dela hiru urte baino joan-etorri gehiago izan dira; % 2 gehiago, hain zuzen.
Sonia Diaz de Corcuera Trafiko zuzendariaren esanetan, mugikortasunak pandemia aurreko mailak gainditu dituen arren, nabarmen egin du behera istripuen kopuruak. Aurten, apirilaren 13tik 18ra bitartean, guztira 55 istripu erregistratu dituzte (horietako 16 biktimadunak), bi pertsona hil eta 2 larri zauritu dira. Horrek esan nahi du istripuen tasak % 37 egin duela behera 2019ko datuekin alderatuta, urte horretan 87 istripu gertatu, eta bi pertsona hil eta 7 larri zauritu baitziren.
Trafiko-fluxurik handienak ohiko puntuetan erregistratu dira, eta dentsitateak 2019koen oso antzekoak izan dira. Araban, ostegunean eta ostiralean, 7 kilometrorainoko ilarak (2019koen antzera) sortu ziren Armiñongo lotunean. Itzuleran zertxobait aurrerago izan ziren gorabeherak, A-1eko 346 kilometro-puntuan, Gasteizen, Irunerako noranzkoan, 5 kilometrorainoko ilarak sortu baitziren istripu baten ondorioz.
Bizkaian, arazorik handienak apirilaren 14an, ostegunean, izan ziren A-8an, Muskiz eta Barakaldo artean eta Kantabriarako noranzkoan. Puntu horretan, 15 kilometrorainoko ilarak sortu ziren. Itzulera operazioan, astelehenean A-8an auto batek matxura izan zuen Muskizen, Irunerako noranzkoan, eta 4 kilometrorainoko ilarak sortu ziren, Kantabriako mugara artekoak.
Gipuzkoan, azkenik, 9 kilometrorainoko ilarak sortu ziren aurreko asteazkenean eta ostegunean, irteera operazioaren eta Frantzia aldeko polizia-kontrolen ondorioz (2019an 8-10 kilometrokoak izan ziren). Bestalde, Pazko astelehena Frantzian ere jai izan denez, asteartean, apirilaren 19an, 17 kilometrorainoko kamioi-ilarak sortu ziren muga aldean. Pandemia aurretik ere, antzeko arazoak izaten ziren bertan.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.