Lakuntza: "Prekarietatea amaitzea da gure sindikatuaren misio nagusia"

Prekarietatearen kontrako oihua zabalduko du gaur, Maiatzaren 1ean, ELA Euskal Herriko sindikatu nagusiak dozenaka herri eta hirietan antolatu dituen mobilizazioetan. Mitxel Lakuntza ELAko idazkari nagusiak salatu duenez, prekarietatea da egungo langileen arazo nagusienetakoa. Horren arabera,  milioi erdi langile baino gehiago baldintza oso txarretan ari dira lanean, eta, batez ere, emakumeak dira egoera hori pairatzen ari direnak.

Gauzak horrela, patronalari zuzendu zaio Lakuntza,  neurriak berehala har ditzan eskatzeko. Horren hitzetan, Espainiako Gobernuak onartu berri duen lan-erreforma indarrean dagoenetik izenpetu diren kontratu mugagabeen erdia "prekarioak" dira.

Krisi ekonomiko berri baten zantzuak gero eta nabarmenagoak diren honetan, soldatak igotzea premiazkoa dela uste du Lakuntzak. "Beharrezkoa da eta posible da", zehaztu du.

Entzun, hemen, elkarrizketa osoa.