A-15 errepidea erabat itxiko dute asteburu honetan Gipuzkoako zatian
Gipuzkoako Foru Aldundiak jakinarazi duenez, ostiralean, maiatzak 6, 22:00etan, A-15 autobia erabat itxiko dute zirkulaziorako, bi norabideetan, Andoaingo lotunearen eta Berastegiko lotunearen artean.
Tunela berriro irekitzeko eta Belabietako lanak amaitutzat emateko beharrezkoak diren zenbait lan egingo dituzte. "Autobidea trafikora guztiz ireki ahal izateko euste-hesi bat jarri behar dugu eta tunel berrituaren elementu guztiak kontrolatzeko sistema berrikusi. Gainera, Belabietako obrek iraun duten 11 hilabeteetan zirkulazioa bideratu den hoditik bypasseko elementu guztiak kendu behar dira", azaldu du Aintzane Oiarbide Bide Azpiegituretako diputatuak.
Aurreikusitako lanak egiteko, zirkulazioa erabat eten behar dute bi noranzkoetan 48 orduz. Andoainerako noranzkoan, Berastegiko lotunetik egingo da mozketa, eta Iruñerako noranzkoan, berriz, Andoaindik, Sorabillako lotunetik. Autobia bi noranzkoetan moztuko dute maiatzaren 6ko 22:00etatik maiatzaren 8ko 22:00etara.
Autobidearen itxierak erabiltzaileak beste ibilbide batzuk hartzera behartuko ditu. Nafarroatik Gipuzkoarako ibilbide luzeetarako, gomendatutako ibilbidea N-I errepidea izango da Altsasuraino, ondoren Irurtzunen Sakanako Autobidea (A-10) hartzeko. Berastegi, Elduain edo Berrobira joateko, esaterako, A-15 autobideko erabiltzaileek Berastegiko loturan bira egin ahalko dute eta Tolosatik Leitzara doan errepidetik (GI-2130) joan.
Gipuzkoatik Nafarroarako ibilbide luzeetarako, Iruñerako noranzkoan egindako mozketaren ondorioz, A-15eko erabiltzaileek N-Ietik jarraitu beharko dute Gasteizerako noranzkoan Altsasuraino, eta, ondoren, Sakanako Autobidetik (A-10) joan beharko dute Irurtzuneraino. Lekunberri edo Leitza helmuga duten ibilgailuek, aukeran, Tolosatik Lekunberrira doan errepidea (GI-2135) erabili ahalko dute.
Aldunditik gogorarazi dutenez, autobidea itxita dagoen bitartean, debekatuta egongo da ibilgailu astunak Tolosatik Lekunberrira (GI-2130) igarotzea, eta, beraz, kamioiek N-I errepidea hartu beharko dute ordezko bide gisa.
Lanak amaitu bezain pronto, A-15 autobidea erabat zabalduko da, bi norabideetan.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.