Herri Urrats inoiz baino indartsuago itzuli da
Herri Urrats bueltan da berriro. Senpereko (Lapurdi) lakuan jende andana elkartu da igande honetan, hezkuntzaren eta euskararen alde egiteko. Itzulera da, hain zuzen ere, 39. edizio honen leloa. Pandemiaren eraginez bi urtez ezohiko urratsak eman dituzte; aurten, baina, eraberriturik ekin die Seaskak igandeko zita antolatzeko lanei.
Ez da ekitaldirik gabeko txokorik izango, eta zazpi gunetan banatu dute lakuko buelta guztia. Zehazki, lau gune nagusitan izango dira emanaldiak: Nafarroa, Araba, Gipuzkoa eta Lapurdi guneetan.
Nafarroa guneko eszenatokia Lizeoko ikaslez osatutako Laparrak taldeak inauguratuko du goizean. Gero, Aho zakil Konekxion eta Aguxtin Alkhaten txanda izango da. Eguerditik aurrera, hainbat musika talde izango dira bertan: Skakeitan taldeak bere birari emango dio hasiera Herri Urratsen (14:00); Des-kontrol izango da ostean, bere 25. urteurrena ospatzeko aitzakiarekin (15:45); Willis Drummond ere bertan izango da (17:30); eta Dupla bikoteak itxiko du eguna Nafarroa guneko azken kontzertuarekin (19:00).
Araba txokoan, musikak eta erromeriak poztuko dute eguna. Talde hauek arituko dira bertan egunean zehar emanaldiak eskaintzen: Pauline eta Juliette, Mutxikoak, Kilimak, Albosax, Xiberoots, Astobaba eta Trikidantz erromeria taldea. Kontzertuak 10:00etan hasi eta 20:00etan amaituko dira.
Gipuzkoa gunearen berezitasuna dantza izango da. Estitxu Robles kolegioko gazteek emango diote hasiera egunari. Ondoren, Kautere balet, Herri Urrats Kantuz, Wazza Panda Family eta Topa Nokaren txanda izango da. Dantza erakustaldiekin amaituz, Kimua Dantza Kolektiboak GenEroa lana aurkeztuko dute. Dantzaz gain, Tristan Murgi abeslariak eta ZEZE taldeak emango diote bukaera Gipuzkoa guneko programazioari.
Goiz aldean, Lapurdi gunean Artxeroak eta hainbat bertsolari arituko dira Herri Urrats girotzen. Eguerdi aldean, bazkaria alaituko dute Natek eta Watsonek.
Bosgarren kolegioa irekitzeko asmoz
Ipar Euskal Herriko ikastolen federazioak bere ikasleak omendu nahi ditu aurten, azken ikasturteak zailak izan baitira. Horrela, Herri Urratsek helburu "ekonomiko" zein "sozialak" lortzea du asmo, Ihintza Bidart koordinatzailearen arabera: "Euskararen eta ikastolen festa ospatzeko beharra dugu. Behar den bezala itzultzeko, elkartzeko".
Azken urteetako ikasle kopuruaren hazkundea tarteko, aurtengo edizioaren irabaziak Senperen bertan bosgarren kolegio bat irekitzeko baliatuko dituzte. 11 eta 14 urte arteko 250 ikasle inguru izango ditu, eta 2023rako irekitzea espero dute. Seaskaren ekimenez, 38 ikastola, lau kolegio eta lizeo bat ireki dituzte jada.
Aldarrikapenak egiteko tarterik ere egongo da, Seaskako zuzendari Peio Jorajuriak azaldu duenez: "Erakutsi nahi dugu milaka garela euskara ospatzen eta euskaraz bizi nahi dugunak, eta, horretarako, neurriak nahi ditugunak". Azken urteetan, azterketak euskaraz egiteko eskubidearen aldeko aldarriak entzute handia jaso du.
Aurtengo abestia
Herri Urrats ez litzateke berbera izango abestirik gabe. Aurten, ZETAK taldea eta Erramun Martikorena elkarlanean aritu dira "Itzulera" abestia sortzeko. Pello Reparazen esanetan, abestiak "sekretu bat" badu, Martikorenaren "ausardia" da: "Bera moldatu zen ZETAKen unibertsora; berak du meritua".
Zure interesekoa izan daiteke
Cinco Villaseko sutea garapen baikorra izaten ari da eta sua Nafarroatik urrundu egin da
Zazpi udalerri ebakuatu behar izan dituzte inguruan, Petilla Aragoi Nafarroako herria tartean. Guztira, 15.800 hektarea erre dira, eta hustu behar izan dituzten herriez gain, beste zazpi udalerri aurreabisuan daude.
Hauek dira haurdunaldi subrogatua baimentzen duten herrialdeak
AEB izan zen haurdunaldi subrogatua baimentzen lehena, eta gaur egun berme gehien eskaintzen dituen herrialdea da. Kalifornian eta Floridan, adibidez, familia mota guztiek dute horretarako aukera. Beste Estatu batzuetan, berriz, bikote heterosexualek bakarrik, eta beste hainbatetan, aldiz, ez da legezkoa.
Eraso faxista jasan du Fonsi Loaiza kazetariak Cadizen
Kazetaria oso ezaguna da sareetan eta X zein Instagram sareetan salatu du gertatua. Bere jarduera profesionalaren zati handi bat kazetaritzaren eta kirolaren, hedabideen eta boterearen arteko harremanaren analisiaren esparruan egin du.
Konpartsakide Eguna ospatu dute Bilbon, Aste Nagusiari begira girotzen hasteko
Egitarau zabala antolatu dute Areatzan. Jatekoa egon da, baita edatekoa ere, ardo dastaketarekin. Aldarrikapena ere bada Aste Nagusiko osagai nagusietako bat. Aurten 18 konpartsak egingo diote boikota Coca Colari, Israelekin dituen harremanak salatzeko asmoz.
Ordorika familiari eta Vita ontzian joandako marinelei omenaldia egin diete Lekeition
Kapitaina eta hainbat marinel lekeitiarrak ziren, eta haiei omenaldia egin diete herrian. Ordorika familiak erbestera jo behar izan zuen eta Mexikon, urte luzez gorde dituzte Jose kapitainaren nabigazio koadernoa eta gutunak, besteak beste. Kutxa batean izan dituzte, eta, orain, Euskadiko Artxibo Historikoaren esku dira, memoriaren parte direlako.
Emakume bat atxilotu dute Gasteizen bikotekide ohiari labanaz eraso egiteagatik
Biktimak emakumearengandik urruntzeko agindu judiziala urratu zuen, eta zaurien ondorioz, ospitalera eraman behar izan dute.
Gizon bat ikertzen ari dira Santurtziko jai-esparruan emakume bati ukituak egiteagatik
Sexu-erasoa ostegun goizaldean gertatu da, eta Ertzaintzak izapideak ireki ditu 23 urteko ustezko erasotzailearen aurka.
Martxan da Altza eta Galtzaraborda lotzen dituen Topoaren linea berria
Pasaia eta Amara arteko trenen maiztasuna handitu egin da (7,5 minuturo igaroko dira lanegunetan) eta Pasai Antxon lurpeko geltoki berria estreinatu ahal izan dute.
Ehunka pertsonak justizia eskatu dute Anderrentzat Santurtzin
Bertaratutakoek "Justizia Anderrentzat" eta "Inpunitate polizialari ez" bezalako mezuak oihukatu dituzte ibilbidean zehar. Geldialdi bat egin dute taser pistola bat erabilita gaztea atxiki zuten lekuan, eta loreak utzi dizkiote haren oroimenean.
Aita Marik 19. misioa abiatu du, "itsasoan giza eskubideak defendatzen jarraitzeko"
EAEn bi hilabetez mantentze-lanak, prestakuntza eta ate irekien jardunaldiak egin ondoren, Itsas Salbamendu Humanitarioaren ontzia Mediterraneora itzuliko da, migrazio-politikak gogortzen ari diren testuinguru batean.