Jaiotzak % 3,3 jaitsi ziren EAEn 2021ean
Jaiotza-kopurua % 3,3 jaitsi zen EAEn 2021ean, Eustaten datuen arabera. Urte horretan 14.247 haur jaio ziren Euskadin, aurreko urtean baino 492 gutxiago.
Iazko laugarren hiruhilekoan 3.595 haur jaio ziren Euskadin, aurreko urteko aldi berean baino % 4,9 gutxiago. Araban, 632 jaiotza egon ziren, % 16,2ko igoerarekin. Gipuzkoan, 1.233 haur jaio ziren, aurreko urtean baino % 8,3 gehiago, eta Bizkaian, ordea, 1.730 haur, % 0,9 gutxiago.
Laugarren hiruhilekoko hilabeteei dagokienez, igoera % 11,2koa izan zen abenduan, eta % 5,2koa, azaroan, baina % 0,6ko jaitsiera izan zen urrian.
2021eko udazkenean ama izan ziren emakumeen % 29,7 atzerritarrak izan ziren, 2020ko aldi berean % 30 baino pixka bat gutxiago izan ostean. % 36,9 izan ziren Araban, eta % 28,3 eta % 28,1, berriz, Gipuzkoan eta Bizkaian.
Gainera, amen % 80k baino gehiagok 30 urte baino gehiago zituzten. 30 eta 40 urte bitarteko amak % 34,2 ziren, eta 25 eta 29 urte bitarteko amen taldearen ekarpena % 14koa izan zen. 40 urtetik gorako amak (% 11,8) 25 urtetik beherakoak (% 5,8) baino gehiago izan ziren.
Ama izan ziren emakumeen adina nazionalitatearen arabera ere bereiz daiteke. Ama atzerritarren batez besteko adina 31,4 urtekoa izan zen, eta espainiar nazionalitatekoena, 34,5 urtekoa.
Bestalde, haurra izan zuten amen % 50,2 ezkongabeak ziren, eta ia erdiak (% 49,5) lehenengo aldiz erditu ziren.
Jaiotzak azken urteotan
2020an, pandemia hasi zen urtean, jaiotza-tasak % 4,5eko beherakada izan zuen aurreko urteko datuekin alderatuta. 2019an, 15.400 haur jaio ziren, 2018an baino % 4,3 gutxiago; 2018an, 16.090, 2017an baino %5,8 gutxiago; eta 2017an, 17.076, 2016an baino % 6,4 gutxiago.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.