Bilboko heriotzekin zerikusia duelakoan espetxeratutako gaztea 2019an iritsi zen Euskadira, Bruselatik
Josu Erkoreka Eusko Jaurlaritzako Segurtasun sailburuak asteazken honetan jakitera eman duenez, Nelson David M.B., larunbatean espetxeratutako gaztea, 2019an heldu zen Euskadira Bruselatik.
Ikerketa "luzea izango da, eta ez da hilabeteetan amaituko"; izan ere, "froga asko aztertu behar dira", ohartarazi du Segurtasun sailburuak ETB1eko "Egun On Euskadi" saioan.
"Oraingoz, ikerketako datuen arabera, arrazoia lapurreta zela ematen du, baina ez naiz ausartzen gorroto faktorea guztiz baztertzera", esan du Erkorekak ETB1eko "Egun On Euskadi" programan.
Sailburuaren ahotan, ikerketak argituko du "motibazio nagusia bata ala bestea" izan ote den, "baina biak ere izan daitezke".
Bilbon egindako balizko sei krimen ikertzen ari da Ertzaintza, besteak beste, ustezko homizidio bat eta bi saiakera.
Ikerketako iturriek azaldu dutenez, ustezko egileak biktimekin harremanetan jartzeko, gizon homosexualak elkarrekin kontaktuan jartzeko sare sozial bat erabiltzen zuen. Biktimak drogatu eta txartelen pasahitzak zein bankuko datuak ateratzen zizkien, ondoren kutxazain automatikoetan kontuetako dirua ateratzeko eta transferentzia bere izenean egiteko.
Erkorekaren hitzetan, "ikerketa luzea izango da, eta ez da hilabeteetan amaituko"; izan ere, "froga asko aztertu behar dira". Hala ere, "zuhurtziaz" jokatzeko eskatu du, "kontuzko gaia delako".
Estasi likidoa kasu guztietan erabili ote zen "frogatzeke" dagoela erantsi du sailburuak, eta horrekin lotuta zenbat heriotza egon daitezkeen galdetuta, ez du erantzun nahi izan, "alarma" sor dezakeelako.
"Komunikabideek interesa izatea uler dezaket, baina zentzudunak izan behar gara", nabarmendu du.
Zure interesekoa izan daiteke
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.