Osakidetzak azterketa kardiologikoak egingo ditu bat-bateko heriotzaren arrisku-faktoreak detektatzeko
Osakidetzak azterketa kardiologiko osoa egingo die bat-bateko heriotzagatik hildakoen senideei, hala nahi badute. Osakidetzak eta Auzitegi Medikuntzako Euskal Erakundeak sinatutako hitzarmenari esker egingo da eta akordio horren bidez, bat-bateko heriotza jasateko arrisku-faktoreak zehazten lagundu nahi da.
Izan ere, bat-bateko heriotza lehen mailako osasun-arazoa da, batez ere bihotzeko gaitzekin lotuta dagoena. Kalkulatzen da heriotza naturalaren ondoriozko heriotzen % 12 bat-batean gertatzen direla, gehienak (% 80) bihotzeko arazoengatik, batez ere 35 urtetik gorakoetan. Adin txikikoen eta gazteen artean, bat-bateko heriotzaren intzidentzia 1-3 kasukoa da urtean 100.000 biztanleko.
Bat-batekoa heriotza naturalaren tipologia bat da, eta denboran nahiz moduan ustekabekoa; sintomen hasieraren eta heriotzaren artea ordubeteko denbora-muga izan ohi du. Bat-bateko heriotza jotzen dira ere, inork ikusi gabeko heriotzak edo lotan zeudela gertatuak, baldin eta norbaitek pertsona horiek hil aurreko orduetan osasun-egoera onean ikusiak direnean. Bihotz-biriketako geldialdiak eta horiek suspertu ostean garuneko heriotzarantz eboluzionatzen dutenak ere kontsideratzen dira bat-bateko heriotza.
Osasun-arazo horri aurre egiteko eta prebentzioan lan egiteko asmoz, bi erakundeen arteko akordio honek azterlan kardiologiko osoa egitea eskaintzen die bat-batean hil diren pertsonen senideei, hala nahi badute. Azterketa horri gehituko litzaioke, kardiologoen irizpidearen edo bat-bateko heriotza eragin duen bihotzeko patologiari buruzko hasierako susmo klinikoaren arabera, beste proba batzuk egiteko aukera ere, hala nola Holterra, erresonantzia magnetikoa edo esfortzu proba.
Gainera, adituek dioten bezala, bihotzeko gaitz horien ehuneko handi batek oinarri genetikoa duela kontuan hartuta, akordioak prebentzioan jartzen du azpimarra, eta hiru belaunalditara arteko ·familia-zuhaitz zehatz" bat egitea eskaintzen du.
Dokumentuan jasotzen den bezala, "ohiko azterketa nekropsikoekin edo autopsiekin diagnostikatu ezin diren gaixotasunak dira", hori dela eta lehen mailako senitartekoei eginiko kateko azterlan horrek eta proba egiten duenaren genetikak aukera eman lezakete heriotza kausa identifikatzeko".
Zuzeneko senideen azterketa genetikoak aukera emango luke, halaber, "tratamendu eta gomendio egokiekin esku hartzeko ondorio ugari identifikatzeko, eta etorkizunean gertaera kardiobaskular berriak saihesteko".
Dokumentuak berariaz aholkatzen du familiak "Osakidetzako Familia Kardiopatien Unitate Klinikoetara bideratu beharko" liratekeela, eta "hautatutako kasuetan, analisi genetiko bat ere jaso beharko lukeela familia-azterlanak".
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.