Bi bizipista berrik Erletxeta eta Larrabetzu eta Erletxeta eta Boroa lotuko dituzte 2025ean
Bi bizipista (hiri arteko bizikleta bideak) berrik Erletxeta (Galdakao) eta Larrabetzu eta Erletxeta eta Boroa (Zornotza) lotuko dituzte. Bi bideak elkarren artean lotuta egongo dira, guztira 7,9 kilometroko ibilbidea osatuz. Bizkaiko Foru Aldundiak 20,6 milioi euroko inbertsioa egingo du. Lanak 2024an hasiko dituzte, eta urtebete inguru iraungo dute.
Bizkaiko Foru Aldundiak bi bizipista berri horien proiektuak onartu ditu. Imanol Pradales Bizkaiko Azpiegitura eta Lurralde Garapenerako foru diputatuak astelehen honetan azaldu duenez, bide berri horiek jarraipena emango diote Zornotza eta Iurreta lotuko dituenari.
Azken hori egiteko lanak joan den abenduan hasi zituzten eta 2023ko martxoan amaitzea aurreikusten da. Foru Aldundiak 12,7 milioiko inbertsioa egingo du 7,5
kilometroko luzera duen zatia egiteko.
Pradalesen arabera, Durangaldeko eta Txorierriko bizikleta azpiegitura berri horiekin, Aldundiak mugikortasun jasangarria sustatzen jarraitzen du, herritarrei bizikletaren erabilera erraztuz ibilbide laburreko eguneroko joan-etorrietarako.
Boroa-Erletxeta
Boroa eta Erletxeta arteko zatia 4,5 kilometro luze izango da. A-8 autobidea erreferentzia gisa hartuta, Boroako industrialdearen eta Erletxetakoa lotuko ditu. Tarte hau egiteko 11,6 milioi euroko inbertsioa egingo du Aldundiak, eta 15 hilabete beharko dira lanak amaitzeko.
Erletxeta-Larrabetzu
Erletxeta eta Larrabetzu arteko zatiak 3,4 kilometroko luzera izango du. Ibilbideak BI-30 errepidea (Txorierriko korridorea) hartuko du ardatz moduan Erletxetako poligonoa eta Larrabetzukoa konektatzeko. 9 milioi euro inbertituko ditu Foru Aldundiak eta 15 hilabete beharko dira lanak amaitzeko.
Albiste gehiago gizartea
Alerta gorria ezarri dute Murtzian eta Valentziako Erkidegoan, Alice GOIDIa dela eta
Murtziako 12 udalerritan eskolak bertan behera utzi dituzte, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.
2026ko Araba euskaraz jaia Amurrion egingo da, ekainaren 14an
Amurrioko Aresketa ikastola laguntzeko egingo da datorren urteko Araba Euskaraz jaia, "Taupadak berpiztu!" lelopean. Logotipoa, berriz, bihotz baten erdira doan txinparta da. Azken lau urteetan Arabako zortzi ikastolek elkarlanean antolatu dute Araba Euskaraz jaia Gasteizko Olarizu parkean. 2026ko edizioari begira, bi berritasun nagusi daude: batetik, Amurrion ospatuko da, ez Olarizun; bestetik, jaiaren antolakuntzaren pisurik handiena Aresketa ikastolak hartuko du bere gain, nahiz eta Arabako gainerako zazpi ikastolek ere lagundu.
"UNRWAk laguntzaz betetako kamioiak ditu Gazatik hiru ordura"
Barbara Ruiz Balzola UNRWA Euskadiren arduradunak adierazi duenez, Israelen baimenaren zain daude Gazan sartu eta laguntza banatzen hasteko. "Gazako egoera apokaliptikoa da. 50.000 haurrek desnutrizio akutua dute", gaineratu du.
Senideen heriotzagatiko baimena 10 egunera arte luzatuko dutela iragarri du Diazek
Halaber, iragarri du zainketa aringarriak jasotzen ari diren senideak zaintzeko baimena ere izango dela. Diazen hitzetan, produktibitateari dagokionez, Espainiako Estatuko arazoetako bat da jendeak lan egin behar duela nahiz eta egoera lanerako desegokia izan. "Ama lurperatzen duelako edo semea zaindu behar duelako lanera ez doanaren kasua ezin da absentismotzat jo", azpimarratu du.
Guardia Zibilak eta Polizia Nazionalak 58 kilo kokaina atzeman dituzte Arrigorriagan
Atxilotutako hiru lagunak espetxeratu dituzte, eta gaizkile-taldea desegin. Kokaina kopuru horrek 1,5 euroko balioa du. Ibilgailuetan droga ezkutatzeko leku bereziak atzeman zituzten, eta, gainera, zazpi telefono mugikor eta 3.400 euro ere. EAEko Guardia Zibilak eta Polizia Nazionalak elkarlanean egindako operazioa izan da.
Adimen artifizialak itzulpenaren mundua astindu du
Adimen artifizialak itzulpenaren mundua irauli eta ofizioa prekarizatu du. Gaur egun, kopia baten prezioan ordaintzen zaie itzultzaileei euren lana, ez sortzaileei bezala. Profesionalek uste dute teknologiak ez dituela pertsonak erabat ordezkatuko, baina lan egiteko modua aldatuko duela.
Zaintza arloko langileak zerbitzuen eredu publikoa eskatzeko mobilizatu dira Gasteizen
Mobilizazioa Gasteizko Bilbo plazatik abiatu da, "Kalitatezko euskal zaintza eredu baten bidean, publifikazioa!" lelopean.
"Sententziak zapore gazi-gozoa uzten digu"
Aitzol Asla Kabiezesko osasun-zentroko erizainaren biktimen abokatuak adierazi duenez, kaltetutako 400 adingabeen familiek ez dute epaiaren aurkako helegiterik aurkeztuko, baina iragarri dute Osakidetzari erantzukizunak eskatzen jarraituko dutela.
'Santa Maria' ontziaren erreplika Donostiara iritsi da
Ontzia urriaren 8tik 19ra bitartean bisitatu ahal izango da, 10:00etatik 19:30era. 200 tonako itsasontzia da, 28,30 metroko luzera, 7,96 metroko zabalera eta 3,49 metroko puntala dituena. Makila nagusiaren altuera ia 25 metrokoa da, flotazio-marratik goialderaino.