Gasteizko Udalak Platinozko Eskoba jasoko du bere hondakinen kudeaketa egokiagatik

Gasteizko Udalak Platinozko Eskoba jaso du bere hondakinen kudeaketan zirkulartasuneko estrategiagatik. Hondakinen Kudeaketarako eta Ingurumenerako Elkarte Teknikoak ingurumenaren alde egindako lanagatik gehien nabarmendu diren elkarte eta erakundeei bi urtez behin banatzen dizkien Zilarrezko, Urrezko eta Platinozko Eskobak.

Cesar Fernandez Landak, Ingurumen Plangintza eta Kudeakeko zinegotziak, azaldu duenez, Gasteizko Udalak "hondakinak jasotzeko eta kudeatzeko zerbitzuen ikuspegia zabaltzearen aldeko hautua egin du". Zinegotziak gaineratu du aldaketek "emaitzak" izan dituztela eta "lehen aitorpenak" iritsi direla.

Hondakinen Kudeaketa Unitateak estrategia berri bat garatu du eta bi helburu nagusi zehaztu ditu: alde batetik, hondakinen kudeaketa arloko erantzukizuna handitzea ondorengo kudeaketan eragina izateko eta zuzeneko berrerabilerarako, berrerabili eta birziklatu ahal izateko prestaketa sustatzeko eta, bestetik, material zirkularren eskaria sortzea.

Bi helburu horiek kontuan hartuta, Udalak zortzi jarduera jarri ditu martxan:

1. Estrategia 2030 eta Gasteizko Ekonomia Zirkularra Bultzatzeko Tokiko Ekintza Plana.

2. Birgurpil "gurpila BIR-asmatzen" proiektua, toki mailako materialen zikloak ixteko helburuarekin.

3. Hondakin handiak kudeatzeko zirkular integrala.

4. Repair-café berrerabilera-zerbitzua. Horri esker, produktu baten bizitza erabilgarria luza daitekeen produktuak identifikatu ahal izango da.

5. "Konpondu" proiektua. Proiektu horren helburua da erabili eta botatzetik aldenduta dagoen eta objektuen bizitza erabilgarria zabaltzen duen kontsumo-eredua sustatzea.

6. Berrerabiltzeko egokiak ez diren materialen amaierako kudeaketa.

7. Gasteiz laborategi hiria programa eta laguntzak ekonomia zirkularreko proiektuak.

8. Ekologia industrialeko lanak. 

Udalak ekainaren 15ean jasoko du Platinozko Eskoba Madrilgo Hirigintzako eta Ingurumeneko Nazioarteko Azokan.