Eskolaldi jarraituaren aldeko elkarretaratzea deitu dute biharko, Donostian
Eskola atarietan pil-pilean dagoen gaia da, berriro: eskolaldi jarraitua bai edo ez. EAEko bigarren hezkuntzako ikastetxe gehienetan bertan behera geratuko da ordutegi jarraitua datorren ikasturtetik aurrera, Eusko Jaurlaritzako Hezkuntza Sailak aldatu egin baititu horretarako baldintzak. Haserrea piztu du erabakiak zenbait guraso eta irakasle talderen artean, eta hasi dira, batean eta bestean, protesta ekintzak antolatzen.
Tokian-tokian, ikastetxe atarietan dozenaka protesta deitzeaz gain, EAEko DBHko Guraso Elkarteen plataformak elkarretaratze bateratua deitu du biharko, Donostian, 14:00etan, Miramar jauregian. Deialdiaren berri emateko zabaldu duten oharrean jaso dutenez, Hezkuntza Sailak datorren ikasturtean "inposatu" nahi duen ordutegi zatituaren aurrean "desadostasun irmoa" agertu nahi dute gurasoek, erabaki horrek "ikasleen, gurasoen eta familien beharrak alde batera" uzten dituela iritzita.
Halaber, ikastetxeen ahotsa entzuteko eta erabakitzeko eskubidea errespetatzeko eskatuko dizkiote Hezkuntza Sailari. Protestaren deitzaileen ustez, ordutegi jarraitua ezarrita, "interes politikoak eta ekonomikoak" lehenesten ari da Eusko Jaurlaritza.
"Eskolaldi zatituak interes ekonomiko eta politikoak lehenesten ditu, eta ikasleen, irakasleen eta familien ongizatea eta beharrak alde batera uzten ditu, haien eskaerak ez baitira entzuten ari. Ikastetxe eta institutu bakoitzak erabakitzeko duen eskubidea defendatzen dugu", dio, hitzez hitz, oharrak.
Goiz eta arratsaldeko ordutegiak nerabeen ongizatea eta berdintasuna bermatzen dituela uste du Eusko Jaurlaritzak, eta hala dago jasota, baita ere, Eusko Legebiltzarrean, alderdi nagusien babes zabalarekin, adostu berri duten Hezkuntza Lege berrian.
Elkarrizketa, Euskadi Irratian
Euskadi Irratiko 'Faktoria' saioan, gaur goizean, Anabel Ruiz Jardun Jarraiaren Aldeko Euskadiko Plataformako kidea eta Lourdes Imaz EHIGE Euskal Herriko Ikasleen Gurasoen Konfederazioko ordezkaria elkarrizketatu dituzte, eta ordutegi trinkoen inguruan aritu dira.
Ruizen hitzetan, pandemiak iraun duen bi urteetan ordutegi trinkoak erakutsi du "gatazka gutxiago egon direla ikasleen artean eta estresa murriztu dela, akademikoki ere, emaitzak hobera egiteaz bat". Aldiz, Imazen iritzian, "eztabaida askoz sakonagoa" da, eta ezin da soilik ordutegira mugatu. "Eskolek bermatu behar dute, eta are gehiago publikoek, ikasle guztiei zerbitzu guztiak eskaintzen zaizkiela eskolan bertan, baita curriculumaz kanpokoak ere. Familien arteko liskarrak ez dira batere onak", zehaztu du.
Entzun, hemen, elkarrizketa osoa.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.