"Euskadiko txorrotako ura oso kalitate onekoa da, botilakoa baino hobea"
Hondakin-uren inguruan EHUk egindako ikerketen arabera, Euskadiko hornidura publikoko edateko uraren kalitatea "oso ona" da, Nestor Etxebarria EHUko Kimika Analitikoaren katedradunaren hitzetan.
Ur-txorrotaren eta ur-botilaren artean, "duda izpirik gabe", lehenengoa aukeratuko zuela azpimarratu du Etxebarriak EFEri eskainitako elkarrizketan. "Euskadiko ur-txorrota kalitatezkoa da, ur-botilarena baino hobea", nabarmendu du Plentziako Itsas Estazioan.
Hondakin-urak zientifikoki aztertu ohi dira, edateko ur bihurtu aurretik, gizartearentzako baliagarri diren hainbat gauza ezagutu daitekeelako. Esaterako, covid-19ko pandemia bitartean hondakin-urei egindako "monitorizazioari esker, gaitzaren latentzia ezagutu ahal izaten genuen".
Droga eta plastikoen kontsumoak
EHUk hiru urte daramatza helburu epidemiologikoekin hondakin-uren analisia egiteko Estatu mailako ikerketa batean parte hartzen. Espainiar Estatuko probintzia-hiriburu gehienetako araztaile nagusietako hondakin-urak aztertu dira tabako, alkohol eta legez kanpoko droga kontsumoak antzemateko. Izan ere, "hartzen dugunaren irudi osoa" eskaintzen dute analisi horiek.
Etxebarriak azaldu duenez, Bilboko Ur Patzuergoko Galindoko instalazioetan hartutako laginen arabera, kokaina eta metanfetamina bezalako droga-kontsumo handiagoak atzeman dituzte larunbateetan eta igandeetan, bereziki metanfetaminari dagokionez, Estatuko beste zonaldeekin konparatuta, aldea handia izanda.
Hondakin-urek agerian utzi dute ere "egun etengabe plastikoen eraginpean" gaudela. Ikertzaileek "plastiko bihurtuta, gure organismora igaro diren metabolitoak aztertu dituzte, eta horiek aurkitu dituzte pixan, hondakin-uretan eta araztailean".
Plastiko horiek batez ere elikagaien bilgarrietatik datoz. "Transferentzia bat izaten da bilgarritik jakira, eta hortik gure organismora", azaldu du Etxeberriak.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.