Abisu horia tenperatura altuengatik Hego Euskal Herriko barnealdean
Euskalmet Euskal Meteorologia Agentziak abisu horia ezarri du astearterako muturreko tenperatura altuengatik, 14:00etatik 18:00etara erkidegoko barnealdean. Tenperatura maximoak 35 ºC ingurukoak izan daitezke Kantauri barnealdean; ekialdean apur bat altuagoak izan daitezke, eta mendebaldean zertxobait baxuagoak. Hegoalderago jota, Euskalmetek jakinarazi duenez, tenperatura maximoak 35 ºC ingurukoak izan daitezke trantsizio-eremua deiturikoan, eta 36 ºC ingurukoak Ebro ondoko eskualdean.
Kostaldean, itsasoko brisak termometroek gora egitea saihestuko du, eta tenperatura altuenak 27 ºC ingurukoak izango dira gehienez.
Haizea hegoaldekoa izango da goizean barnealdean, eta arratsaldean ipar-mendebaldera egingo du, tenperatura jaitsiz. Arratsaldean zaparrada trumoitsuak bota ditzake eta tenperaturak behera egin dezake, batez ere hegoaldean.
Asteazkenean, abisu horia mantenduko da trantsizio-eremuan eta Ebro ondoko eskualdean 14:00etatik 18:00etara. Tenperatura maximoak 35 ºC ingurukoak izan daitezke eremu horietan.
Asteazkenean EAEko iparraldean atseden emango du beroak. Kostaldean, tenperatura maximoak 26 ºC ingurukoak izango dira, eta 33 ºC ingurukoak Kantauri isurialdeko barnealdean.
Nafarroa, hiru egun abisupean
Nafarroan, beroagatik ezarritako abisu horia eguerditik dago indarrean Nafarroako erdialdean eta Ebroko Erriberan; astelehen honetan 36 edo 37 ºC-tara irits daitezke termometroak inguru horietan. Erkidegoko gainerako zonaldeetan maximoak 33 ºC-koak izango dira, Iruñean kasu, eta 35ºC-koak Lizarraldean.
Egunak aurrera egin ahala hodeiak ugaritzen joango dira eta zaparradak bota ditzake, ekaitzak jotzea baztertu gabe, Pirinioetan batez ere.
Nafarroako geografia osoa arriskuagatik abisupean egongo da asteartean ere, eta abisua alerta laranjara igaroko da asteazkenean; izan ere, eguneko erdiko orduetan termometroak 36 ºC-ra iritsiko dira lurralde osoan, eta 38 ºC-ra hegoaldean.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.