EAEn 71 eutanasia eskaera izan dira azken urtean, eta 25 kasuk egin dute aurrera, Sagarduiren esanetan
Gotzone Sagardui Eusko Jaurlaritzako Osasun sailburuak jakinarazi duenez, Eutanasiaren Legeak urtea bete duen honetan —2021eko ekainaren 25ean sartu zen indarrean—, Euskal Autonomia Erkidegoan (EAE) 71 eskaera izan dira, eta horietatik, 25 kasuk egin dute aurrera. Gainerako batzuk izapidetzen ari dira, eta beste batzuk eskubidea gauzatu baino lehen hil egin dira.
Euskadi Irratiko "Faktoria" saioan egin dioten elkarrizketan, Sagarduik nabarmendu du "EAEn azkar, eraginkortasunez eta modu eredugarrian" jarri dela martxan legea eta "emandako urratsa handia" izan dela.
Lehen Arretako egoera eta sindikatuek gaurko zein iganderako deitu dituzten protestak hizpide, Osasun sailburuak berretsi du Osakidetzan ez dagoela "murrizketarik, desegiterik edo pribatizaziorako asmorik". Elkarrizketarako deia egin du, beste behin, horren hitzetan, "bide horretatik bakarrik" etorriko delako konponbidea.
Arlo horretan iragarritako inbertsio eta profil berrien harira, jakinarazi du dagoeneko 200 kontratazio berri egin dituztela, baina aurrerantzean ere beste batzuk egingo dituztela. Hartara, 300etik gora izatea aurreikusi du. Halaber, erizaintzak etorkizunean izango duen pisuaz galdetuta, Osasun sailburuak azpimarratu du "normaltasunez" ikusi beharko duela gizarteak erizainak ere "erreferentziazko profesionalak" izatea, baina argitu du erizainek ez dutela medikuen lana egingo. "Osasun zaintza benetan ona nahi badugu, talde lana izan behar dugu eredutzat".
Gainerakoan, covid-19aren eta tximino-baztangaren kasuak ahotan, Sagarduik aitortu du kasuak eta intzidentziak igo egin direla, baina "esperotako bilakaera" dela azpimarratu du. Bigarrenaren kontura, jakinarazi du EAEn ezagutzen ziren bederatzi kasu horiek besterik ez direla atzeman, eta badirudiela transmisioa "ebaki" egin dela, Osakidetzak egin duen "jarraipen zehatz horren ondorioz eta pertsonek hartutako babesari esker".
Zure interesekoa izan daiteke
ELA, LAB eta Steilas kalera aterako dira gaur Bilbon euskararen alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.