32 kilo speed konfiskatu dituzte Nafarroan egindako polizia-operazio batean
Nafarroako Guardia Zibileko Polizia Judizial Unitate Organikoak, Zerga Agentziaren Aduana Zaintza Zerbitzuarekin eta Bilboko Ertzaintzako Droga Taldearekin batera, sei pertsona atxilotu ditu droga-trafikoa leporatuta, eta 32 kilo speed konfiskatu ditu.
"Marioneta" izenpeko operazioan, desegintzat jo dute nafar Erriberan finkatutako talde kriminala. Guardia Zibilaren arabera, drogen erosketan, ezkutaketan eta banaketan jarduten zuen taldeak.
Iaz abiatu zen operazioa, agenteek Nafarroan kokatutako delitu-talde bat antzeman zuenean, droga-trafikoan aritu zitekeena. Taldeko buruaren eta haren kolaboratzaile sarearen inguruan ardaztu zen ikerketa.
Guardia Zibilak nabarmendu duenez, tadeko kideek "erabat definitutako" egitura hierarkikoa zuten, bakoitzak zeregin zehatz bat hartzen zuelarik. Hori dela eta, talde kriminal bateko kide izatea ere egotzi diete.
Ertzaintzarekin lankidetzan, Cadreitako (Nafarroa) 29 urteko gizon bat atxilotu zuten, baita Tarazonako (Zaragoza) 36 urteko beste gizon bat ere. Bizkaian antzeman zituzten, 30 kilo speed zeramatzatela. Kaleta izeneko mekanismo sofistikatuko ibilgailu batean zeuden ezkutatuta, poliziaren miaketa posibleak saihesteko.
Gainera, etxez etxeko hamaika miaketa egin zituzten eta lursail bat ere arakatu zuten, horietako hamar Tuterako merindadean, eta beste bat, Bilbon.
Miaketen ondorioz, beste bi kilo speed eta hiru kilo marihuana konfiskatu zituzten. Horrekin batera, 52.000 euro ere aurkitu zituzten eskudirutan, taldea behatzeko zerabilten drone handi bat, enkriptatutako bederatzi telefono mugikor eta droga garraiatzeko moldatutako bi ibilgailu.
28 eta 47 urte arteko sei gizon atxilotu dituzte operazioan, horietako bost Tutera, Cadreita, Arguedas eta Galarreko biztanleak, eta Tarazonako bat; droga-trafiko delitua eta talde kriminal bateko kide izatea egotzita.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.