Sopelako jaietan kontzertu bat bertan behera utzi zuten, taldeko emakumeek jasandako eraso matxisten ondorioz
Virgin Mari DJ Set taldeko kideek joan den igandean Sopelako jaietan eskaini zuten kontzertuan eraso matxistak jasan zituztela salatu dute. Erasoaren ondorioz emanaldia bertan behera utzi zuten eta txosnak itxi egin zituzten.
Gaur sare sozialetan argitaratu duten bideo batean batean azaldu dutenez, agertokian zeudela 15 eta 16 urte arteko mutil talde bat irainka hasi zitzaien eta hainbat objektu bota zizkieten.
Hasieran, ez zieten irainei garrantzirik eman, baina emanaldiak aurrera egin ahala egoerak okerrera egin zuela kontatu dute. "Puta" bezalako irainak jasan behar izan zituzten eta "botilak eta izotzak" jaurti zizkieten, "esbastikak erakusten zituzten bitartean". "Neskak eta gazteak izateagatik" egin zietela eraso salatu dute. Halaber, soinu teknikariari jo egin ziotela azaldu dute.
Testuinguru horretan, eta beren "ongizatea arriskuan" zegoela ikusita, 22:00ak inguruan, kontzertua amaitutzat eman zuten eta haien ostean jo behar zuen Labana taldeak ere agertokira ez igotzea erabaki zuen. Ildo berean, txosnak itxi egin zituzten.
Gauzak horrela, Sopelako Sugarri mugimendu feministak, Virgin Mari DJ Set eta Labana taldeek agiri bateratu bat kaleratu dute, jarrera eta eraso matxistarik onartuko ez dutela adieraziz eta "borroka feministaren alde eszenatokiak eta lehen lerroak okupatzen" jarraituko dutela azpimarratuz.
Halaber, datorren ostiralean manifestazioa egingo dute Sopelako udaletxetik abiatuta, erasotzaileek jai-guneetan lekurik ez dutela aldarrikatzeko.
Bestalde, Sopelako Udalak ere salatu du txosna-gunean izandako eraso matxista eta biktimei babesa eta elkartasuna helarazi dizkie.
Horrez gain, emakumeek aurkako indarkeria adierazpen guztiak gaitzesten dituela eta mugimendu feministak gertakari horren harira deitutako mobilizazioekin bat egiten duela adierazi du.
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.