Sanferminetan egindako ziztadengatik beste lau salaketa ikertzen ari da Polizia
Sanferminetan zortzi pertsonari egindako ziztadak —atzo lau salaketa zeuden— ikertzen ari da Polizia, Javier Remirez Nafarroako Gobernuko Presidentetza, Berdintasun, Funtzio Publiko eta Barne kontseilariak gaur jakinarazi duenez. Exekutiboaren bozeramaile ere badenak argitu du kasu guztietan negatibo eman dutela sumisio kimikoaren probek. Emakumeek aurkeztu dituzte salaketa gehienak (zazpi kasu), baina gizonezko bat ere izan da biktima, datuon arabera.
Prentsaurrekoan azaldu duenez, "halakoak gertatzen direnean, batez ere sexu erasoen kasuetan, Osasun Departamentuak protokoloa abiatzen du, eta biktimei odol analisia egiten zaie. Kasu batzuetan egiaztatu dugu ziztada egon zela, baina analisiek negatibo eman dute sumisio kimikoaren substantzietan".
"Zuhurtzia" eskatu du Remirezek. Horren esanetan, "sanferminak hasi baino lehen egin genuen Segurtasun Batzordean ohartarazi ziguten arrisku honetaz; Frantziatik zetorrela esan ziguten. Polizia erne zegoen, baina gaur-gaurkoz, zortzi salaketa izan ditugu".
Are gehiago, ohartarazi duenez, "osasun agintariak arduratuta daude ziztada horiek ez ote duten gaixotasun infekzioso bat eragingo, sumisio kimikoarekin zerikusirik ez duena".
Remirezen ahotan, "txantxa hau ez zaie doan aterako" egileei eta ikertzen jarraituko dutela azpimarratu du.
Bortxaketa
Mendillorri auzoan larunbat gauean gertatutako sexu erasoari dagokionez, Remirezek esan du polizia eta gobernua "buru-belarri" ari direla lanean egilea harrapatzeko. Kontseilariak "irmo" gaitzetsi du eraso matxista: "egiten duenak ordain dezala", aldarrikatu du.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.