Bi gizon atxilotu dituzte Zizurkilen emakume bati sexu-erasoa eta lapurreta egitea egotzita
Bi gizonezko atxilotu dituzte asteburu honetan Zizurkilen (Gipuzkoa), emakume bati sexu-erasoa eta lapurreta egitea leporatuta, Eusko Jaurlaritzako Segurtasun Sailak jakitera eman duenez.
Biktima Villabonako jaietatik etxera zihoala egin zioten eraso. Ertzaintzak ikerketa abiatu du jazoeraren nondik norakoak argitzeko, eta, momentuz, ez du xehetasun gehiagorik eskaini. Gainera, beste bi ikerketa ere ditu zabalik, Villabonan salatutako erasoengatik.
Zizurkilgo Udalak "gogor" salatu du erasoa, eta "elkartasun eta babes osoa" adierazi dizkio erasoa jasan duen emakumeari.
Bestalde, atzo jakin zenez, Ertzaintza sexu abusu bat ikertzen ari da Villabonan, eta mugimendu feministak elkarretaratzea egin du igande honetan, jaien testuinguruan gertatutako zenbait eraso salatzeko. Villabonako eta Zizurkilgo Udalek ere bat egin dute protestarekin.
Gipuzkoako Aldundiaren gaitzespen "irmoa"
Gipuzkoako Foru Aldundiak gaitzespen "irmoa" azaldu du azken orduetan salatutako eraso matxisten aurrean, eta hurbiltasuna eta elkartasuna adierazi dizkie azken erasoaren biktimari zein senide eta hurbilekoei.
"Halako erasoen oinarri-oinarrian egiturazko arazo bat dago, gizon eta emakumeen berdintasun eza, alegia, nahiz emakumeak kontrolpean izan nahi dituzten jarrera eta ideia matxistak. Emakumeen duintasuna, sexu askatasuna eta integritate fisikoa eskubide urraezinak dira. Eskubide horien aurkako ekintzak erabat onartezinak dira, ez dute lekurik gure gizartean", baietsi du.
Horregatik guztiagatik, foru erakundeak indarkeria sexistarik gabeko jaiak nahi dituela adierazten du, emakume guztiek aisialdiaz eta gizarte harremanez berdintasunean gozatzeko aukera izan dezaten, euren askatasunari eta duintasunari kalte egingo dieten jarrera eta mehatxurik gabe.
Sumisio kimiko saiakerak
Gainera, igande goizaldeko 01:30ak aldera, Villabonako tabernak eta txosnagunea itxi dituzte, zenbait emakumek ziztadak jasan izana salatu ostean.
Alarma eta kezka zabaltzen ari dira azken orduetan izaten ari diren sumisio kimiko saiakera edo ziztada salaketak direla eta.
Bart, Baionako festetan, beste 33 emakumek salatu dute ziztada sentitu izana, eta bat ospitalera eraman dute. Festak hasi zirenetik, 112 emakumek salatu dituzte ziztadak Lapurdiko hiriburuan: 16k, lehen egunean; 24k, bigarrenean; 39k, ostiralean eta 33k, gaur gauean.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.