Mugik % 50eko deskontua aplikatuko du tarifetan irailaren 1etik urte amaierara arte
Gipuzkoako Mugi garraio txartelak % 50eko deskontua aplikatuko du tarifetan irailaren 1etik abenduaren 31ra arte, Gipuzkoako Garraioaren Lurralde Agintaritzak (GGLA) jakinarazi duenez.
Horrela, bidaien lehen tartean (1etik 20ra), % 48ko deskontu orokorrarekin, % 74ra igoko da azken lauhilekoan. Bigarrenean (21etik 50era), ordea, deskontua % 58koa izatetik % 79koa izatera pasatuko da.
Azken tarteari erreparatuz (51 bidaia edo gehiago), beherapena % 90etik % 95era igoko da. Hortaz, GGLAren arabera, hiriko garraio publikoa gehienez 20 aldiz erabiltzen dutenek 0,48 euro ordainduko dituzte 0,96 beharrean. Aitzitik, 20 baino bidaia gehiago egiten dutenek 0,39 ordainduko dituzte 0,78 beharrean.
Rafaela Romero GGLAko presidente eta Mugikortasuneko eta Lurralde Antolaketako foru diputatuak eman du ostegun honetan Agintaritzak tarifen murrizketa onartzeko izan duen ezohiko bileraren berri.
GGLAko kideek (Jaurlaritzak, Gipuzkoako Foru Aldundiak eta Mugiri dagozkien udalek ordezkatu dutenak), Espainiako Gobernuak Errege Lege Dekretu honetan iragarritako laguntzei heltzea erabaki dute, "inplikatutako aldundien eta udalen diru-kutxa publikoetan izango duen inpaktu ekonomikoari aurre egiteko".
Romeroren hitzetan, "GGLAk aho batez bozkatu du deskontu horiek Mugiren tarifetarako suposatzen duten ahalegin ekonomikoa geure egitearen alde, herritar guztien mugikortasun-eskubidea bermatu behar delako, ezin daitezkeelako autoa mantentzeko edo gasolinaz betetzeko nahikoa diru izatearen mende egon".
Espainiako Gobernuak % 30erainoko dirulaguntza iragarri du erakunde horientzat, garraioko abonuen eta tituluen tarifak murrizteko ados jartzekotan.
Eusko Jaurlaritzak, bere aldetik, joan den astean informatu zuen udaletxeentzako eta aldundientzako laguntza horietan parte hartuko zuela deskontuen kostuaren % 40 estali arte.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.