Beroa eta hodeiak, parean abuztuko azken asteburuan
Abuztuari agur esateko, tenperatura udatiarrak datozkigu asteburu honetan, igandean 30 ºCak ere gaindituko dituztelarik. Tarteka, ordea, hodeitsu egongo da, eta zaparrada trumoitsuak ere espero dira.
Hala, Euskalmeten eta EITB Mediaren meteorologia zerbitzuaren arabera, larunbata hasteko laino guneak izango ditugu baina, orduek aurrera egin ahala, urdin guneak nagusituko dira. Goizean goiz barnealdean lainoa sortuko da, iparraldean behe-hodeien hondarrak agertuko dira eta goizaldean zirimiria egin dezake, Kantauri isurialdean bereziki.
Goizean garbitzera egingo du eta eguerditik aurrera atertu, hodeitza gutxitu eta giroa eguzkitsua izango da, soilik bero-hodei batzuk agertuko dira mendi inguruetan. Tenperaturak gora egingo du eta maximoak udakoak izango dira berriro. Ez du bero handirik egingo, ordea, arratsaldean ipar-ekialdeko haizea ibiliko da eta giro argia espero da denean.
Termometroek 30 ºCen muga gaindituko dute barnealdean, Nafarroan bereziki, eta 25-28 ºC inguruan ibiliko dira maximoak gainerakoan.
Igandean tenperatura igo egingo da eta beroa egingo du. Hego-ekialdeko haizea ibiliko da, tarteka harro, eta maximoek 30 ºCak gaindituko dituzte denean. Erdi mailako hodeiak eta goi-hodeiak agertuko dira, baina giroa oro har eguzkitsua izango da.
Arratsalde-gau partean bero-hodeiak garatuko dira eta zaparrada trumoitsu batzuk bota ditzake. Beraz, arratsaldean kostaldean brisa sartuko da eta ekaitzarekin amaituko dugu eguna.
Tenperaturei dagokienez, 34-35 ºC inguruan kokatu litezke maximoak barnealdean, eta 30 ºCtik gertu geratuko dira kostaldean.
Astelehenean ere giro beroarekin jarraitzea espero da, tenperaturak arinki jaitsiko diren arren. Hala, ekaitz giroa izango da egun osoan zehar, arratsaldean bereziki, baina ostarteak ere ager litezke. Hego haizea ibiliko da, eta beste behin 30 ºCetatik gertu ibil gintezke.
Uneoro, eguraldiari buruzko informazio gaurkotua kontsulta dezakezu eitb.eus-en, edo zure argazkiak bidali.
Zure interesekoa izan daiteke
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.