Erregaia ateratzen hasi dira Gibraltarren hondoa jo duen ontzitik, eta Poliziak pertsona bat atxilotu du
Joan den astelehenean, Algecirasko Badian hondoa jo zuen zuen OS 35 ontzitik erregaia ateratzen hasi dira larrialdietako taldeak arratsalde honetan.
Gainera, Gibraltarko Errege Poliziak pertsona bat atxilotu du gertakariarekin lotuta. Gibraltarko Gobernuak ohar labur batean azaldu duenez, pertsona bat atxilotu dute, baina ez du argitu kapitaina den ala ez. Gibraltarko ministro nagusi Fabian Picardok goizean adierazi duenez, kapitainak ez zien jaramonik egin Gibraltarko Portuko Agintaritzaren jarraibideei, baina une horretara arte ez zuten inor atxilotu horregatik.
Gibraltarko Portu Agintaritzak baieztatu duenez, ontziak fuel olio isuria izan du gaur, eta, Gibraltarko Gobernuak ohar batean azaldu duenez, fuel "kopuru txiki bat" atera da ezarritako babes hesitik harago.
Inguruan datuen erreskate taldeek, baina, isuria nondik gertatu den topatu ahal izan dute. Antza, ontziaren erregai tankeen arnasguneetako batean zuloa egin da. Arnasguneak zigilatuta zeuden, baina ontziaren parte bat hondoratzean, zati bat askatu da.
Exekutiboaren arabera, urpekariek zuloa berriro estali dute, eta, hortaz, isuria "geldiarazteko prozesuan" ari dira jada.
Gibraltarko Portu Agintaritzako zein Espainiako Itsas Salbamenduko taldeak ari dira isuria kontrolatzeko lanetan. Horretarako bigarren hesi bat jarriko dute, fuela gehiago barreia ez dadin. Era berean, hainbat skimmer (uretara jausitako hidrokarburoak biltzeko gailuak) erabilita, fuel olioa biltzen ari dira.
OS35ek 215 tona fuel olio astun, 250 tona gasolio eta 27 tona olio lubrifikatzaile ditu. Adam LNG ontziarekin talka egin zuen astelehenean Algecirasko Badiatik ateratzeko maniobrak egiten ari zenean. Portu Agintaritzak Gibraltarko haitzaren ekialderantz zuzendu zuen OS35 ontzia, bertan ibilgetu, eta hondoratzeko arriskua ahal zen neurrian murrizte aldera.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.