Biarritzen 2015ean ETAren armategi bat gorde zuen bikotea zigortu dute
Enrique Lopez Jurio eta Nathalie Chasseriaux zigortu dituzte ostiral honetan Parisen, 2015ean ETAren material militarra eta kontrabandoko pistolak gorde izanagatik Biarritzeko etxe batean, horiek neutralizatzeko asmoz. Dena den, ezarri dizkieten zigorrekin ez dute espetxera itzuli beharko.
Parisko Zentzategi Auzitegiak hiru urteko espetxe zigorra ezarri du Lopez Juriorentzat, horietako bi betetzetik salbuetsita. Behin-behineko espetxealdian izan zen 2015ko maiatzaren 28ko atxiloketaren ostean eta, hortaz, ez da kartzelara itzuliko.
Chasseriauxek, bestalde, hilabete eman zuen behin-behineko espetxealdian operazio berdinean atxilotu ostean. 18 hilabeteko zigorra jaso du, kartzelan bete behar izango ez duena, datozen bost urteetan berrerori ezean.
Biarritz erdiguneko etxean, Villa Cambarren, 26 errebolber eta pistola aurkitu zituzten, ETAk 2006ko urrian egindako lapurreta batean erabilitakoak, baita lehergailuak egiteko osagaiak, lehergailu aktibatzaileak, kordoi detonatzailea, dozenaka matrikula berri eta trokelatzaile bat ere.
Lopez Juriok azaldutakoaren arabera, ez da inoiz ETAko kide izan eta 2014ko amaieran jarri zen taldea harekin harremanetan materiala gordetzeko, "armagabetzera" eta "gatazkaren ebazpenera" begira. Orduan eskatu zion laguntza Chasseriauxi; horrek furgoneta utzi zion gaiok eramateko, eta haren etxean gordetzen utzi zion.
Ostegunean abiatutako prozesuan biek baietsi dutenez, Chasseriauxek ez zuen zehazki ezagutzen armategiaren edukia, eta lagun bati egiten zion "mesede" gisa aurkeztu zuen haren parte-hartzea.
Defentsaren abokatuen nahiaren aurka, epaimahaiak bere epaian berretsi du 2014-2015 inguruan ETAk talde terrorista izaten jarraitzen zuela justiziaren ikuspuntutik.
Era berean, Fiskaltzako ordezkariak nabarmendu du ETAk 2011an aldarrikatu arren borroka armatuaren behin-betiko uztea, armategi militarra ez zela 2017 eta 2018ra arte entregatu.
Zure interesekoa izan daiteke
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.