Errausketaren aurkako mugimenduaren protesta Donostian, Zubietako plantaren eta Bergarako proiektuaren kontra
Errausketaren aurkako mugimenduak eta hainbat talde ekologistak deituta, giza-katea egin dute eguerdian Donostiako Kontxa hondartza, Zubietako errauste plantaren aurka.
Martxa 11:15ean abiatu da Alderdi Ederreko lorategietatik eta Kontxako hondartzara sartu da. Parte-hartzaileek, "Erraustegia gelditu. Sistema aldatu" zioen pankarta eraman dute aurrealdean eta "Errausketarik ez" esaldia ere osatu dute hainbat boluntariok letraz letra. Kontxako badiaren zabor-poltsaz beteta ageri zen kartel erraldoia eta errausketaren aurkako irudiak eta leloak ere zabaldu dituzte manifestariek. Ondoren, Alderdi Ederreko lorategietara itzuli dira.
Zubietako erraustegiak ez duela "funtzionatzen" salatu du Maria Luisa Sanchez errausketaren aurkako mugimenduko bozeramaileak, "jendeak gutxiago birziklatzea" dakarrela, eta "gero eta zabor gehiago" sortzen dela.
Bergaran hondakin industrialentzako erraustegia eraikitzeko proiektua ere gogor kritikatu du Sanchezek, eta "guzti-guztia birziklatu" beharra dagoela nabarmendu du.
ELAk, LABek, CC.OO.k EH Bilduk eta Ezker Anitza-IUk bat egin dute protestarekin. Ezker Anitzak oharra kaleratu du gero esanez "ingurumenaren aldeko horrelako protestak inoiz baino beharrezkoagoak" direla. Larrialdi klimatikoa kontuan hartu beharra dagoela ohartarazi du eta Eusko Jaurlaritzak eta Gipuzkoako Foru Aldundiak ez dutela "benetako inplikazioa" salatu du.
"Marketinga alde batera utzi eta Hondakieen Lege berria betetzea" eskatu dio Ezker Anitza-IUk Gipuzkoako Foru Aldundiari, lege horrek organikoa gainontzeko hondakinetatik bereiztera derrigortzen duela gogoraraziz.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.