Ezkaba mendiko sutea kontrolpean dute
Suhiltzaileek kontrolatutzat jo dute atzo arratsaldeko lehen orduan Ezkaba mendian piztu eta Espainiako eta Nafarroako gobernuetako lau hegazkin eta sei helikoptero mugiaraztera behartu zituena, lurreko pertsonalaz gain.
70 suhiltzaile inguru lanean izan dira gau osoan zehar, errematatze eta freskatze lanetan, eta 01:45ean zabaldu ahal izan dute atzera Iruñeko Ingurabidea (PA-30), Atarrabia eta Noain artean, baita Ezkabako tunelak ere, atzotik N-121-Atik itxita zeudenak. Hala, ez da aparteko arazorik une honetan inguru horretan gidatzeko, Nafarroako Gobernuko iturriek eitb.eus-i azaldu diotenez.
Gaur goizean, Nafarroako Gobernuko 40 suhiltzailek, helikoptero batez lagundurik, bertan jarraitzen dute freskatze eta errematatze lan horiek egiten.
Lehen orduan operatiboaren arduradunak bildu dira aginte-postu aurreratuan, hurrengo urratsak eta aireko baliabideen beharra baloratzeko. Helikoptero bat ingurua zeharkatzen ari da azterketa-hegaldi batean sutearen egungo egoera ebaluatu ahal izateko.
Baliabide ugari mobilizatu eta sua herriguneetara gerturatu bazen ere, suteak ez ditu horiek edo inguruetako industriaguneak arriskuan jarri, eta ez da inor etxetik edo lantokietaik atera behar izan.
Nafarroako Baso Suteen Larrialdietarako Babes Zibileko Plana 2. mailara igo zuten; uztailaren 11tik dago aktibo eta, plan hori igotzearekin, hegazkin-koordinatzaile bat, lurrean kargatzeko hiru hegazkin (horietako bi Agoncillokoak, Errioxakoak), eta sei helikoptero mobilizatu ziren, horietako bi Ejeatik (Zaragoza) eta Lubiatik (Soria) bidaliak. Asteazkeneko 10:00etan lehen mailara jaitsi duten berriro plana, sutearen egoerak hobera egin duela eta.
Gainera, basozainak, Foruzaingoa, Guardia Zibila, Antsoain, Berriozar, Berrioplano, Burlata eta Atarrabiko udaltzaingoak ere bertaratu ziren, baita Gurutze Gorriko boluntarioak ere. Halaber, Javier Remirez Nafarroako Gobernuko presidenteordea eta Amparo Lopez Barne zuzendari nagusia ere aginte-postu aurreratuan izan ziren, gau aldera, behin aireko baliabideak erretiratuta, egoera aztertzeko operatiboko arduradunekin batera.
Zure interesekoa izan daiteke
?fmt=png-alpha&qlt=80)
Sutea piztu da Antzuola eta Urretxu artean
Suhiltzaileek helikoptero baten laguntza behar izan dute garrak itzaltzeko. Arratsaldeko 18:15ak aldera ke zutabeak ikusten ziren oraindik.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.
Hasi dira sanferminak, giro ezin beroagoan
Clint Jean Louis Fernandez eta Araceli Sergio Aguilera Tafallako Larrialdi Zerbitzuko zuzendariordeak eta ZIU mugikorreko erizainak jaurti dute txupina eta piztu dute jendez lepo zegoen plaza.