Auzitegi Gorenak 37tik 29 urtera murriztu dio kartzela zigorra Maguette Mbeugouren hiltzaileari
Auzitegi Gorenak 37 urtetik 29ra murriztu dio kartzela zigorra Maguette Mbeugouren hiltzaileari, Bara N. senarrari. Halaber, tratu txarrak emateagatik, adin txikikoak abandonatzeagatik eta lesio psikologikoak eragiteagatik ere zigortu dute gizona.
Kondenatuak 2018ko irailaren 24an hil zuen 25 urteko emakumea biek Bilboko Ollerietabarrena inguruan zuten etxebizitzan, 2 eta 4 urteko alabak bertan zirela. Emaztea akabatu ostean, ihes egin zuen gizonak, neskatoak bakarrik utzita.
Bizkaiko Lurralde Auzitegiak bere bi alabei lesio psikologikoak eragiteagatik ere zigortu bazuen ere (lau urte alaba bakoitzeko), orain Auzitegi Gorenak absolbitu egin du delitu horretatik. Gorenaren arabera, ez da frogatuta gelditu bi adingabeek jasan zuten kalte psikologikoa "hilketa entzuteagatik ala abandonatuta eta etxean bakarrik egoteagatik izan ziren".
Gorenaren arabera, kalte psikologiko horiek abandonuak eragindakoak izan daitezke, eta, kasu horretan, lesio horiek adingabeak abandonatzearen delituetan jasota daude. Hori guztia dela eta, Auzitegi Gorenaren arabera, ez dago nahikoa arrazoi lesio delituengatik zigortzeko.
Gauzak horrela, Zigor Arloko Aretoak aintzat hartu du Bara N. senarrak aurkeztutako helegitea. Hala ere, hilketagatik (genero eta ahaidetasun larrigarriekin), tratu txarrak emateagatik eta adingabeak abandonatzeagatik ezarritako zigorrak bere horretan utzi ditu.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.