Umeen Gabonetako Parkea abenduaren 17an bueltatuko da BECera bi urtez bertan behera egon ondoren
Bilbao Exhibition Centrek (BEC) Umeen Gabonetako Parkea hartuko du, beste behin, abenduaren 17tik urtarrilaren 8ra, bi urtez pandemiagatik bertan behera egon ondoren.
BECek ohar bidez jakitera eman duenez, Umeen Gabonetako Parkea 56. aldiz egingo dute, 1, 3 eta 5 pabilioietan. "Gozatzeko eta ikasteko proposamenak" izango ditu, "oinarrizko balioak indartuko dituzten" tailer eta jarduerekin.
Hala, aurreko urteetako ildoari jarraituz, Umeen Gabonetako Parkeak "elkartasuna, gizalegea, berdintasuna, jasangarritasuna, bizitza osasuntsua eta familia" aldeztuko ditu, eta euskara "zeharkako balio gisa" izango du.
Hainbat erakundek antolatutako jarduerak itzuliko dira; besteak beste, honako hauek: Eusko Jaurlaritza, Bizkaiko Foru Aldundia, Bilboko Portua, BBK Fundazioa, Athletic Fundazioa, Bizkaiko Suhiltzaileak eta Saskibaloi, Eskubaloi eta Tenis federazioak, besteak beste.
Halaber, jolas hauek bueltan izango dira: Eurogiro Kearekin, Txiki Park, Lapikoa, Take, Off, Ninja Dortokak, Popof Trena, Haurrentzako Noria, Ohe Elastikoak, Baby Kateak, Trena, Matxinsaltoa, Talka Autoak Haur Pista, Labetxoak, Kanguru Txikia, Frozen Konbinatua, Patrulla Canina Txirrista, Multiarkoak, Wipe Out, Superkangurua edo Zezen Mekanikoa, besteak beste. Kart elektrikoak eta izotz pista ere izango dira; harrera oso ona izaten dute horiek ere.
Aurten, berritasun gisa, sarrerak webgune ofizialaren bidez ere izango dira eskuragarri. Ordutegi orokorra 11:00etatik 20:00etara izango da. Abenduaren 24an eta 31n eta urtarrilaren 5ean, baina, 11:00etatik 17:00etara izango da irekita. Abenduaren 19tik 22ra, 10:00etatik 19:00etara irekiko dute; abenduaren 25eko eta urtarrilaren 1eko eta 6ko jaiegunetan, ordea, itxita izango da.
Zure interesekoa izan daiteke
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.