Pedro Sanchezi material piroteknikoa zuen gutun bat igorri zioten
Pedro Sanchez Espainiako Gobernuko presidenteak material piroteknikoa zuen gutun-azal bat jaso zuen azaroaren 24an, eta Moncloako Segurtasun Zerbitzuek indargabetu egin zuten. Gutun-azala aztertzen ari dira, baina behin betiko emaitzen zain, badirudi lehergailu piroteknikoetan erabiltzen den antzeko substantzia bat izan dezakeela, Barne Ministerioak ostegun honetan jakitera eman duenez.
Gaur gaurkoz, Polizia Nazionalak substantzia leherkorra zeramaten sei pakete atzeman ditu, gutxienez, azken egunotan. Paketeen artean ea loturarik dagoen ikertzen ari dira; izan ere, euren artean antzekotasunak dituztela hauteman dute.
Lehenengo paketearen berri asteazken honetan eman zuten, Ukrainaren Madrileko enbaxadan langile bati gutun-azala lehertu eta zauri arinak eragin ostean. Gutunazala Sergei Pohoreltsev Ukrainak Madrilen zuen enbaxadoreari zuzenduta zegoen. Ordu batzuk geroago, Zaragozako Instalaza enpresak antzeko ezaugarriak zituen gutun-azal bat jaso zuen. Kasu horretan, TEDAXe leherketa kontrolatua egin zuten, eta ez zen inor zauritu.
Gaur, Torrejon de Ardozeko (Madril) Aire Baseko segurtasun-sistemek lehergailu bat izan dezakeen hirugarren gutun-azal susmagarri bat atzeman dute goizaldean sateliteen eraikinean.
X izpien bidez aztertu ondoren, barruan "mekanismoren bat" izan dezakeela hatzeman dute, eta berehala, jarri da martxan dagokion protokoloa. Poliziako ikertzaileak Sateliteen Zentrora zuzendutako gutun-azala aztertzen ari dira. Ondorioz, Polizia Nazionaleko eta Guardia Zibileko kideak Aire Basera bertaratu dira ingurua babesteko.
Halaber, Defentsa Ministerioko iturriek baieztatu dutenez, segurtasun zerbitzuek gaur goizean atzeman dute bosgarren pakete susmagarria: Margarita Robles Defentsa ministroari zuzenduta zihoan.
Eta azkenik, Barne Ministerioak eguerdian jakitera eman duenez, Estatu Batuek Madrilen duten enbaxandan gaur goizean lehergailu piroteknikoak zituen pakete bat jaso dute, asteon atzemandako beste bosten "antzeko ezaugarriak" zituena. 12:30 inguruan jaso dute paketea, eta eraikineko segurtasun kontrolean atzeman dute. Modu kontrolatuan leherrarazi dute Estatuko Segurtasun Indarrek.
Auzitegi Nazionala modu bateratuan terrorismo delitu gisa ikertzen ari da. Barne Ministerioko Segurtasuneko Estatu Idazkaritzak Polizia Nazionalari eta Guardia Zibilari administrazioak eta eraikin publikoak babesteko neurriak zorrozteko agindu die, batez ere posta-bidalketen kontroletan.
Albiste gehiago gizartea
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.