"Bai bakarrik da bai" legerako “doitze teknikoa” dakarren zuzenketa bat adostu du Espainiako Gobernuak
PSOEk eta Unidas Podemosek, alegia, Espainiako Gobernua osatzen duten bi alderdiek, zuzenketa sartu dute sedizio delitua indargabetu eta bidegabeko erabiltze delitua aldatzeko lege proposamenaren arrazoien azalpenean; zuzenketa horren bidez, epaileek gida moduko bat izango dute "Bai bakarrik da bai" legea interpretatzeko, baina, hori bai, ez da loteslea izango, eta epaileen esku izango da Sexu Askatasuneko Berme Integraleko Lege Organikoa interpretatzeko aukera.
Iturri juridikoek azaldu dutenez, arrazoien azalpenean aurkeztutako aldaketa zuzenketa ez da arauemailea, interpretaziozkoa baizik. Horrek esan nahi du gida gisa balio duela, baina ez ditu epaileak behartzen. Bestelako kontua izango zen artikuluetarako zuzenketa izan balitz, baina PSOE eta Unidas Podemos ez dira haraino iritsi; izan ere, arrazoien azalpenean geratu dira.
Sexu Askatasuneko Berme Integraleko Lege Organikoaren ondorioz, sexu erasoko delituak sexu abusukoa hartu du. Hortaz, orain arte jokaera larriagoa jasotzen zuen delitu bat hasi da jasotzen larritasun txikiagoko jokaera bat; beraz, zigorra ere handitu da, orain sexu erasotzat jotzen dituzten jokaera guztiak jaso ahal izateko. Marko horretan, gutxienez 57 pertsonari murriztu dizkiete espetxe zigorrak, eta 12 kartzelatik irten dira.
PSOEren eta Unidas Podemosen adierazpenak
PSOEk esan duenez, zuzenketari esker, "Gobernua sostengatzen duten alderdiek zuzenbide iragankorraren interpretazioa erraztu dute, finkatutako jurisprudentziarekin lotuta, eta, hala, Zigor Kodeko aldaketak behar bezala interpretatu ahalko dituzte; tartean, berriki onartutako batzuk, Sexu Askatasuneko Legea bezala".
Unidas Podemoseko iturrien arabera, Espainiako Gobernuaren Berdintasun Ministerioa elkarrizketetan ibili da, eta testu berriaren helburua da "epaileei argitzea legegilearen borondatea dela, gomendio gisa, ezarritako zigorrei eustea, zigorrak berrikusiko balituzte".
Bitartean, Isabel Rodriguez Espainiako Gobernuaren bozeramaileak esan du Gobernu hori "zain jarraitzen duela", Auzitegi Gorenak "Bai bakarrik da bai" legearen gaineko doktrina bateratu arte. Rodriguezen esanetan, sartutako zuzenketaren xedea da "indartzea" orain arte ohikoa izan den interpretazioa, zigor legeria batetik besterako erregimen iragankorrean".
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.