Desagertutako pertsonak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Errenterian desagertu den 84 urteko gizon baten bila ari dira

Gipuzkoako herri horretako inguruetan ari dira haren bila. Atzo ikusi zuten azkenekoz. Larruazal zurikoa da, begi urdinak ditu eta burusoila da. Litekeena da jaka ilun bat (beltza edo berdea) eta zapata dotoreak eramatea jantzita.
Etxetik falta den gizonaren argazkia.
Etxetik falta den gizonaren argazkia, Ertzaintzak zabaldutakoa.

EITB Media

Azken eguneratzea

Euskal Autonomia Erkidegoko (EAE) Larrialdi Zerbitzuak atzotik Errenterian (Gipuzkoa) desagertuta dagoen 84 urteko gizonezko baten bila ari dira, Segurtasun Sailak ohar batean jakinarazi duenez. 

Gizona errenteriarra da, eta herri inguruetan ari dira haren bila, izan ere, maiz ibiltzen da Kaputxinoak inguruan, bertako hilerrian eta Masti-Loidi industrialdean.

Segurtasun Sailak emandako deskribapenaren arabera, 1,60 bat metro ditu luze eta gorpuzkera normala du. Larruazal zurikoa da, begi urdinak ditu, eta burusoila da. Litekeena da jaka ilun bat (beltza edo berdea) eta zapata dotoreak eramatea jantzita.

Gizartea Gipuzkoa Errenteria Desagertutako Pertsonak

Zure interesekoa izan daiteke

Gehiago ikusi
Publizitatea
X