Izotz pista eta Gabonetako txirrista ireki dituzte Gasteizen
Gasteizko Florida parkeko izotz pista eta txirrista zabalik egongo dira larunbat honetatik aurrera, Urtaran alkateak inaugurazio ekitaldia egin ostean.
Aurten ordu zehatzak erreserbatzeko aukera egongo da internet bidez, ilararik egin gabe zuzenean patinatzera bertaratu ahal izateko. Gainera, izotz pistaren estetika aldatu dute aurten, gabonetako giro nabarmenagoa sortzeko. Hala, girlandak eta hartzen zein pinuen figurak gehitu dituzte, baita txirrista apaintzeko olana bat ere; eta deskantsurako gune berri bat ipini dute izotz pista handiaren erdigunean.
700 m2-ko pista eta 30 metroko txirrista egunero egongo dira zabalik, gaurtik urtarrilaren 8ra bitarte, 10:00etatik 14:00ak arte eta 16:00etatik 22:00ak arte. Abenduaren 24an eta 31an, berriz, 20:00etan itxiko dituzte.
Prezioak
Txirristan jaistea: euro bat.
Izotz pista: orduko 2,5 euro 16 urtetik gorakoentzat eta 2 euro adingabekoentzat. Prezioak sarrera, patinak eta kaskoa hartzen ditu barne adingabekoen kasuan.
Sarreren erosketa
Sarrerak leihatilan bertan edo www.eventos.grupodisport.es webgunearen bitartez erosi ahal izango dira.
Talde erreserbak: 653 730 968
Zure interesekoa izan daiteke
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte; beste batzuk euskal mitologiatik datoz. Herri bakoitzak bereak ditu, bere historia eta nortasunarekin. Ezagunen eta kuttunenen errepasoa egingo dugu gaur.