Donostiako krimenean ustez parte hartzeagatik atxilotutako hiru pertsonak epailearen esku daude jada
24 urteko gizon hernaniar baten hilketan ustez zerikusia izateagatik Donostian atxilotutako hiru pertsonak epailearen esku daude jada, eta haren aurrean deklaratuko dute astearte honetan zehar.
Biktima Eguberri egunean, 06:20an, topatu zuten Gipuzkoako hiriburuko erdiguneko Okendo plazan, arma zuriz zaurituta. Osasun langileak bertaratu ziren, baina gizona lekuan hil zen.
Ordubete beranduago, hilketarekin ustez lotutako bi pertsona topatu zituen Udaltzaingoak Hondarribia kalean. Ertzaintzak biak atxilotu zituen, 20 urteko emakumezko bat eta 26ko gizonezko bat. Ondoren, 24 urteko beste gizon bat atxilotu zuten, bere burua aurkeztu ondoren, Donostian.
Antza denez, erasoa Victoria Cafetik irtetean gertatu zen, elkarren artean ezagunak ziren bi talderen arteko borroka bortitz baten testuinguruan.
Ertzaintzak ingurua hesituta izan zuen hainbat orduz. Goizean zehar, karpa bat jarri, eta frogak bildu zituen, gertatutakoa argitzen saiatzeko. Besteak beste, odola topatu zuen Victoria kafetegian, baita zapatila beltz bat ere plazan.
Erantzunak
Hilketak atsekabe handia eragin du hirian eta hildakoaren jatorrizko udalerrian.
Eneko Goia Donostiako alkateak argi utzi duenez, "portaera larri horiek ez dute tokirik gure hirian, eta ez dugu horrelako jenderik nahi gure artean". Atsekabea adierazi du eta "doluminak eta elkartasuna" adierazi dizkio sendiari.
"Bidegabekeria honen arduradunek justiziaren aurrean erantzun dezatela lehenbailehen", gehitu du.
Xabier Lertxundi Hernaniko alkateak "gure saminik beroena" helarazi die hildakoaren familiari eta gertukoei. "24 urteko pertsona batek bizitza modu honetan galtzea justua ez dela argi dago", esan du, eta "une gogor honetan" Udalaren babesa adierazi die.
Radio Euskadin egindako elkarrizketan, Lertxundik esan zuen herria "erabat atsekabetuta" eta gertatukoa "sinetsi ezinda" dagoela. Udalaren izenean, doluminak eta elkartasuna helarazi zizkien biktimaren etxekoei.
Gainera, hilketa gaitzesteko elkarretaratze isila egingo dute gaur eguerdian, 12:00etan, Donostiako Alderdi Ederren. Bertako Udalak deitu du protesta bilkura, eta Hernanikoak bat egin du.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.