44 pertsona hil ziren EAEko errepideetan 2022an
2022ko trafiko balantzea aurkeztu du astelehen honetan Eusko Jaurlaritzako Trafiko zuzendari Sonia Diaz de Corcuerak. Pandemia aurreko egoerara itzulita, % 13 jaitsi da istripu kopurua Euskal Autonomia Erkidegoan, 2019ko datuekin alderatuta.
Dena den, 44 pertsona hil dira trafiko istripuan Euskal Autonomia Erkidegoan. Horrek esan nahi du 2021ean baino bi biktima gehiago izan direla, eta 2019an baino zazpi gutxiago. Hildakoen % 77 gizonezkoak ziren (guztira 34), eta % 23 emakumezkoak (guztira 10). Bestalde, behera egin du EAEko errepideetan hildako motozaleen kopuruak (14 aurten, 17 iaz eta 16 duela hiru urte), baina nabarmen igo da oinezkoena (15 aurten, 1 iaz eta 13 2019an).
Datuei erreparatuz gero, argi dago azken urteetan jaitsi egin dela heriotza kopurua, alegia, beheranzko joera hartu duela. 2000. urtean 218 pertsona zendu ziren EAEko errepideetan, 2010ean 67, 2019an 51 eta iaz 44.
Lurraldeak kontuan izanda eta 2019ko datuekin erkatuta, Araban, Bizkaian zein Gipuzkoan egin du behera. 2021eko datuekin alderatuta, baina, heriotza kopurua igo egin da Bizkaian eta Gipuzkoan. Hartara, Bizkaian 18 pertsona zendu dira (2019an baino 4 gutxiago, eta 2021ean baino 2 gehiago); Gipuzkoan beste horrenbeste lagun hil dira (2019an baino 1 gutxiago, eta 2021ean baino 2 gehiago); Araban 8 hildako egon dira (2019an baino 2 gutxiago, eta 2021ean baino 2 gutxiago).
Datu horietan oinarrituta, Eusko Jaurlaritzako Bide Segurtasuneko politikek arreta berezia ezarriko dute oinezkoetan, motozaleetan, txirrindularietan, mugikortasun pertsonalerako ibilgailuak erabiltzen dituzten pertsonetan, edadeko jendean eta adingabeetan.
Albiste gehiago gizartea
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek gaixoak zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.