Uriarte: "Epaileak heteropatriarkalak direla esateak biktimek salaketa ez jartzea ekar lezake"
Aner Uriarte Bilboko epaile dekanoaren ustez, epaileak matxistak direla esatea "erabat bidegabea eta arriskutsua" da, salaketa aurkeztekotan dauden biktimek ez salatzea erabaki dezaketelako, eta hortaz, "salaketarik ezean, Euskadin emakumeak babesteko dugun sistema polizial eta judiziala ez da martxan jarriko", argudiatu du. Modu horretan erantzun die Marta Doladok, hiribilduan izan den azken hilketa matxistaren kasuan Udalaren izenean jardungo duen abokatuak, epaileei buruz esandakoei ("kontserbadoreak eta heteropatriarlak" zirela adierazi zuen).
Uriartek Radio Euskadiren "Cronica de Euskadi" saioari eskainitako elkarrizketan azpimarratu duenez, Ertzaintza "prestatuta dago" indarkeria matxistaren kontra aritzeko eta epaileek formazio nahikoa dute ondo erantzuteko. "Hilketa asko saihesten ditugu, eta kopurua zehaztu ezin bada ere, hala da, baina tamalez batzuetan gertatzen dira", deitoratu du.
Rebeca Huaytaren hilketa matxistaz luze eta zabal mintzatu da Bilboko epaile dekanoak. Argitu du ustezko hiltzaileak aurrekariak zituela indarkeria matxistagatik, baina "duela 10 urte baino gehiagokoak ziren". Horrez gain, Huaytarekin lotuta, bi zigor auzi zituen zabalik, bikoteak San Frantzisko auzoan zuten tabernan istiluak sortzeagatik. "Kasu batean, Ertzaintza joan behar izan zen tabernako botila guztiak apurtu zituen. Emakumeak ez zuen haren kontra lekukotza eman nahi izan, lekukoek ere ez. Ez ziren zauritu", azaldu du. Uriarteren arabera, "ez zegoen gizonaren kontrako salaketa edo lekukotzarik, eta beraz, ezin izan zen neurririk hartu".
Bestalde, delituak behin eta berriz egiten dituzten gaizkileekin epaile eta fiskalek bigunegi jokatzen dutela dioten alkateei erantzunez, Uriartek azpimarratu du justiziak "jarduteko aukera gutxi" dituela, "zigor prozedura oso bermatzailea" delako, eta atxilotutako pertsona bati badaezpadako kartzelaldia ezartzeko, baldintza jakin batzuk bete behar direla. "Ulertzen dut kritika, eta ez diot arrazoirik ez dutela, baina sistema bermatzaile hori aldatu beharko lukete, eta ez epaileak kargu hartu", bota du.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.