"Sorionekuak"en sinatzaileek manifestazio "historikoa" antolatu dute ekainaren 10erako, Iruñean
"Sorionekuak" adierazpena aurkeztu dute gaur Nafarroan, hizkuntzari dinamika berri bat ezartzeko asmoz, eta "dagokion tratamendua" emateko. Hori horrela, "historikoa" izatea nahi duten manifestazioa deitu dute ekainaren 10erako Iruñean.
"Euskaraz nahi dugu ikasi, hitz egin, txisteak kontatu, fikzioa ikusi eta amestu", adierazi dute adierazpenaren sinatzaileek, tartean Castillo Suarez idazleak eta Nerea Urbizu abeslariak. "Euskaraz bizi" nahi dute, baina gaur egun "oztopoak asko" omen dira, hizkuntza eskubideak "posta kodearen araberakoak" direlako, haien esanetan.
"Ez dugu euskara eta kezka elkar lotuta egotea nahi. Telebista piztu eta euskaraz gozatu nahi dugu. Ez dugu esfortzuarekin lotu nahi. Erosketak egin nahi ditugu eta kezkarik gabe euskaraz jardun, beldur eta lotsarik gabe. Euskaraz bizi nahi dugu ohartu gabe. Zorionekoak izan nahi dugu, 2023ko sorionekuak, etorkizunera bidea egin nahi dugu", azaldu dute.
Horregatik euskarak "etorkizunari begiratzea" eta "mugarik gabeko etorkizuna" behar dituela uste dute, eta Irulegiko eskuak, 2.000 urtetik gora dituenak, balio dezala etorkizuneko ateak irekitzeko. Horregatik, eragile sozial eta politikoei dinamika aldaketa bat eskatu diete.
"Ardura politikoak eskatzeko garaia da, ez bazterketa betikotzekoa", azpimarratu dute.
Helburua lortzeko bidean, administrazioari ardura bere gain hartzeko dei egin diote, "guk eta milaka pertsonak hamarkada askotan egin dugun moduan".
Izan ere, "amore ematea" ez omen da aukera bat; eta zentzu horretan, "historikoa" izatea nahi duten manifestazioa antolatu dute ekainaren 10erako Iruñean.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.