Oinezko bat hil da gidari mozkor batek harrapatuta, Asparrenan
Errepide bazterretik zihoan oinezko bat hil da gaur goizaldean Asparrenan (Araba) ihesari ekin dion 4x4 ibilgailu batek harrapatuta. Gidaria, 54 urtekoa eta mozkortuta zihoana, atxilotu egin dute ondoren.
Eusko Jaurlaritzaren Segurtasun Sailak jakitera eman duenez, istripua goizaldeko ordu bata aldera gertatu da A-1 errepidean, aipatu udalerrian.
Pertsona batek larrialdi zerbitzuei deitu die ordu horretan pertsona bat errepide bazterrean oinez zebilela ohartaraziz, eta ondoren, gorpu bat zegoela. Bertaratu diren osasun zerbitzuek eta ertzainek gorpua eta ibilgailu baten arrastakoak aurkitu dituzte.
Ibilgailua bilatzeko lanean hasi dira, eta 30 kilometrora aurkitu dute aurrealdea kaltetuta zuen 4x4 ibilgailu bat, foko bat falta zuena, eta odol arrastoekin.
Gidariari alkoholaren proba egin diote, eta positibo eman du, gehienezko mugatik oso gorako emaitzarekin. Hala, atxilotu egin dute arduragabeko hilketagatik eta laguntza emateko betebeharrari uko egiteagatik.
Zure interesekoa izan daiteke
Uholdeak Bilboko Alde Zaharrean, eta Artatzako errepidea itxita Leioan
Euriteek uholdeak eragin dituzte Bilboko Zazpikaleetan eta Artatzako errepidea itxita dago
Bi gizon atxilotu dituzte Iruñean emakume bati sexu erasoa egitea egotzita
Manifestazio jendetsua egin dute Santurtzin Anderrentzat justizia eta erreparazioa eskatzeko
Ehunka lagun kalera atera dira Euskadin eta Nafarroan, etxebizitzaren negozioaren aurka
Etxebizitzaren aldeko protesta dozenaka hiritara zabaldu da, greba orokorrari begira
12 lagun zauritu dira Errioxako taberna baten zati bat erorita, eta zortzi osasun zentroetara eraman dituzte
102 urteko emakume bat hil da eta 90 pertsona erreskatatu dituzte Albaceten, Madrigueras herrian izandako uholdeetan
Milaka pertsona kalera atera dira Madrilen, etxebizitza eskubidea aldarrikatzeko
